ງານພົບປະແລກປ່ຽນ“ການເຄື່ອນໄຫວສະແດງສິລະປະຢູ່ດ້ຽນບຽນຝູ”
ການສະແດງສິລະປະໃນລາຍການ
(vovworld) – ຄຳ່ຄືນສະແດງທີ 2 ຂອງລາຍການພົບປະແລກປ່ຽນ “ການເຄື່ອນໄຫວສະແດງສິລະປະຢູ່ດ້ຽນບຽນຝູ” ໄດ້ຮັບການຈັດຕັ້ງຢູ່ສູນວັດທະນະທຳແຂວງ ເຊີນລາ, ໃນຕອນຄຳ່ວັນທີ 11/3. ລາຍການໂດຍສະຫະພັນບັນດາສະມາຄົມວັນນະຄະດີ ຫວຽດນາມ ສົມທົບກັບສະມາຄົມນັກປະພັນດົນຕີ ຫວຽດນາມ ແລະ ຄະນະກຳມະການປະຊາຊົນແຂວງ ເຊີນລາ ປະຕິບັດ. ນີ້ແມ່ນລາຍການເປີດສາກໃຫ້ບັນດາການເຄື່ອນໄຫວສິລະປະສະເຫຼີມສະຫຼອງ 60 ປີແຫ່ງໄຊຊະນະ ດ້ຽນບຽນຝູ (7/5/1954 – 7/5/2014). ໃນລາຍການນີ້, ຜູ້ຊົມຈະໄດ້ພົວພັນແລກປ່ຽນ, ໂອ້ລົມກັບບັນດາພະຍານຫຼັກຖານປະຫວັດສາດເຄີຍເຂົ້າຮ່ວມບັ້ນຮົບ ດ້ຽນບຽນຝູ.
ຄຳ່ຄືນສຸດທ້າຍຂອງລາຍການເຄື່ອນໄຫວສະແດງສິລະປະນີ້ໄດ້ຮັບການຈັດຕັ້ງໃນຕອນຄຳ່ວັນທີ 13/3 ( ກົງກັບວັນກອງທັບເລີ່ມເປີກສາກບັ້ນຮົບປະຫວັດສາດ ດ້ຽນບຽນຝູ ກ່ອນນີ້ 60 ປີ), ຢູ່ນະຄອນ ດ້ຽນບຽນຝູ, ແຂວງ ດ້ຽນບຽນ.
ໃນຂອບເຂດການເຄື່ອນໄຫວຊ່ວຍເຫຼືອແຂວງ ດ້ຽນບຽນໃນໂອກາດສະເຫຼີມສະຫຼອງ 60 ປີແຫ່ງວັນໄຊຊະນະ ດ້ຽນບຽນຝູ, ວັນທີ 11/3, ຢູ່ເມືອງ ເມື່ອງອ໋າງ, ແຂວງ ດ້ຽນບຽນ ໄດ້ສົມທົບກັບນະຄອນ ໂຮ່ຈີມິນ ຈັດຕັ້ງການພິທີລົງມືກໍ່ສ້າງໂຮງໝໍຫຼາຍຂະແໜງ ເມື່ອງອ໋າງ.