ງານວາງສະແດງແຜນທີ່,ຮູບຖ່າຍ“ທະເລ,ໝູ່ເກາະຂອງປະເທດຊາດ”
ພາບປະກອບ
(vovworld) – ວັນທີ 4/6, ຢູ່ນະຄອນ ດ້ຽນບຽນຝູ, ຫໍພິພິດທະພັນໄຊຊະນະປະຫວັດສາດ ດ້ຽນບຽນຝູ ໄດ້ໄຂງານວາງສະແດງແຜນທີ່, ຮູບຖ່າຍກ່ຽວກັບຫົວຂໍ້ “ທະເລ, ໝູ່ເກາະຂອງປະເທດຊາດ”. ງານວາງສະແດງໄດ້ວາງສະແດງແຜນທີ່ 50 ແຜ່ນທີ່ແຕ້ມກ່ຽວກັບທະເລຕາເວັນອອກສະໄໝຕ່າງໆຂອງ ຫວຽດນາມ, ຈີນ. ແຜນທີ່ທັງໝົດເຫຼົ່ານັ້ນລ້ວນແຕ່ຢັ້ງຢືນອະທິປະໄຕຂອງ ຫວຽດນາມ ທີ່ມີຕໍ່ໝູ່ເກາະ ເຈື່ອງຊາ ແລະ ຮ່ວາງຊາ. ງານວາງສະແດງຍັງວາງສະແດງຮູບຖ່າຍເກືອບ 100 ແຜ່ນກ່ຽວກັບບັນດາການເຄື່ອນໄຫວຢ້ຽມຢາມ, ຮັບໃຊ້ຂອງບັນດາອົງການ, ຂະແໜງການ ແລະ ພໍ່ແມ່ປະຊາຊົນຊາວ ດ້ຽນບຽນ ໃນບັນດາເຂດທະເລ, ໝູ່ເກາະຂອງ ຫວຽດນາມ, ຮູບພາບກ່ຽວກັບບັນດາການເຄື່ອນໄຫວຮ່ວມແຮງຮ່ວມໃຈເພື່ອທະເລ, ໝູ່ເກາະໃນບໍລິເວນແຂວງ ດ້ຽນບຽນ. ງານວາງສະແດງຈະອັດລົງໃນຕົ້ນເດືອນ 7/2014.