(vovworld) - ຄວາມເຄັ່ງຕຶງລະຫວ່າງຍີ່ປຸ່ນ ແລະ ຈີນສືບຕໍມີສັນຍານທີ່ເຄັ່ງຮ່ອນຂຶ້ນຕື່ມພາຍຫຼັງການຢ້ຽມຢາມພະວິຫານ Yasukuni ຂອງບັນດາເຈົ້າໜ້າທີ່ ແລະ ສະມາຊິກສາພາແຫ່ງຊາດຍີ່ປຸ່ນ. ໃນການຢ້ຽມຢາມພະວິຫານ Yasukuni ເມື່ອວັນທີ 23/04 ຂອງສະມາແຫ່ງຊາດຊິດສະພາ 168 ທ່ານ ເນື່ອງໃນໂອກາດງານບຸນລະດູບານໄໝ່ຂອງວິຫານ, ສື່ມວນຊົນຈີນ ໄດ້ໃຫ້ຂ່າວຢ່າງທັນທີ ແລະ ຖືວ່ານີ້ແມ່ນການກະທຳສະແດງໃຫ້ເຫັນວ່າ ກຳລັງເບືອງຂວາຂອງຍີ່ປຸ່ນ ພວມມີທ່າອ່ຽງຟື້ນຕົວຄືນ. ກ່ອນໜ້ານັ້ນ, ກະຊວງການຕ່າງປະເທດຈີນ ໄດ້ອອກຖະແຫຼງການຄັດຄ້ານຢ່າງແຮງການຢ້ຽມຢາມພະວິຫານ Yasukuni ເມື່ອວັນທີ 21/03 ຜ່ານມາຂອງສະມາຊິກລັດຖະບານຍີ່ປຸ່ນ 3 ທ່ານ, ໃນນັ້ນມີທ່ານຮອງນາຍົກລັດຖະມົນຕີ Taro Aso.
ເຫດການອື່ນໃນວັນດ່ຽວກັນ, ທ່ານລັດຖະມົນຕີການຕ່າງປະເທດຍີ່ປຸ່ນ Fumio Kishida ແລະ ທ່ານຮອງລັດຖະມົນຕີການຕ່າງປະເທດອາເມລິກາ William Burns, ທີ່ພວມຢ້ຽມຢາມໂຕກ່ຽວ, ໄດ້ເຫັນດີຮ່ວມມືຢ່າງແໜ້ນແຟ້ນເພື່ອຮັບມືກັບສປປ.ເກົາຫຼີ ໃນສະພາບການທີ່ພວມມີສັນຍານວ່າ ພຽງຢາງ ຈະທົດລອງລູກສອນໄພນຳວິຖີ. ຜ່ານການທາບທາມຄວາມເຫັນ, ທ່ານ Kishida ແລະ ທ່ານ Burns ກໍເຫັນດີວ່າ ຍີ່ປຸ່ນ ແລະ ອາເມລິກາ ຄວນເພີ່ມທະວີການຮ່ວມມືກັບສ.ເກົາຫຼີ ກ່ຽວກັບບັນຫາດັ່ງກ່າວ, ພ້ອມທັງແລກປ່ຽນທັດສະນະກ່ຽວກັບວິທີທີ່ນຳ ສປປ,ເກົາຫຼີ ກັບຄືນສູ່ຮອບເຈລະຈາ 6 ຝ່າຍກ່ຽວກັບການສ້າງແຫຼມເກົາຫຼີປອດນິວເຄຼຍ.