ຕອນບ່າຍວັນທີ 25 ມີນາ, ຢູ່ສຳນັກງານກະຊວງການຕ່າງປະເທດ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໄດ້ໃຫ້ການຕ້ອນຮັບທ່ານ Paul Jansen, ເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງລາຊະອານາຈັກແບນຊິກ ປະຈຳຫວຽດນາມ ເນື່ອງໃນໂອກາດມາຮັບໜ້າທີ່ໃໝ່ຢູ່ຫວຽດນາມ.

        ທີ່ການຕ້ອນຮັບ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິງມິງ ຢືນຢັນວ່າ, ຍາມໃດຫວຽດນາມ ກໍ່ຖືເປັນສຳຄັນການພົວພັນກັບແບນຊິກ, ເຊິ່ງແມ່ນຄູ່ຮ່ວມມືສຳຄັນຂອງຫວຽດນາມ ຢູ່ເອີລົບ ແລະ ໃນສະຫະພາບເອີລົບ (ອີຢູ). ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິງມິງ ຊີ້ແຈ້ງວ່າ, ຫວຽດນາມ ມີການກະກຽມຢ່າງຕັ້ງໜ້າໃຫ້ແກ່ສັນຍາການຄ້າເສລີຫວຽດນາມ - ອີຢູ ແລະ ປາດຖະໜາວ່າ, ແບນຊິກ ສືບຕໍ່ສະໜັບສະໜູນການລົງນາມ ແລະ ໃຫ້ສັດຕະຍາບັນສັນຍາສຳຄັນດັ່ງກ່າວໂດຍໄວ.

        ສ່ວນທ່ານເອກອັກຄະລັດຖະທູດ Paul Jansen ຢືນຢັນຄວາມຕັດສິນໃຈຊຸກຍູ້ການພົວພັນອັນດີງາມລະຫວ່າງ 2 ປະເທດໃຫ້ພັດທະນາເຂົ້າສູ່ລວງເລິກ, ມີປະສິດທິຜົນໃນອາຍຸການຂອງຕົນ.

        2 ຝ່າຍກໍ່ສະແດງຄວາມເຊື່ອໝັ້ນວ່າ, ດ້ວຍພື້ນຖານການຮ່ວມມືທີ່ດີງາມລະຫວ່າງ 2 ຝ່າຍຢູ່ບັນດາກົນໄກຫຼາຍຝ່າຍ, ຫວຽດນາມ ແລະ ແບນຊິກ ຈະພ້ອມກັນປະກອບສ່ວນຢ່າງຕັ້ງໜ້າໃຫ້ແກ່ສັນຕິພາບ, ຄວາມວັດທະນາຖາວອນ, ສະຖຽນລະພາບຢູ່ພາກພື້ນ ແລະ ສາກົນ.