ຊຸກຍູ້ການຮ່ວມມືດ້ານປ້ອງກັນຊາດ ລະຫວ່າງ ຫວຽດນາມ - ສະຫະພັນ ລັດເຊຍ
(VOVWORLD) - ຕອນບ່າຍວັນທີ 11 ມິຖຸນາ, ທ່ານພົນໂທ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ມີການເຈລະຈາທາງໂທລະສັບກັບທ່ານພົນເອກ Sergey Kuzhugetovich Shoygu, ລັດຖະມົນຕີກະຊວງປ້ອງກັນປະເທດ ສະຫະພັນ ລັດເຊຍ.
 ທ່ານພົນໂທ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ (ພາບ: TTXVN) |
ນະທີ່ນີ້, ສອງຝ່າຍຢັ້ງຢືນວ່າ ຍາມໃດກໍເຄົາລົບປະຫວັດສາດແຫ່ງການພົວພັນລະຫວ່າງສອງປະເທດ, ໃນນັ້ນ ມີການພົວພັນດ້ານປ້ອງກັນຊາດ, ພ້ອມແລ້ວທີ່ຈະພ້ອມກັນເພີ່ມພູນຄູນສ້າງ, ຮັກສາ ແລະ ພັດທະນາສາຍພົວພັນດັ່ງກ່າວ, ສືບຕໍ່ປະກອບສ່ວນເຂົ້າໃນການສ້າງສາຍພົວພັນມິດຕະພາບທີ່ເປັນມູນເຊື້ອອັນຍາວນານ, ສາຍພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສະຫະພັນ ລັດເຊຍ.
ສອງຝ່າຍເຫັນດີເປັນເອກະພາບ ຜັນຂະຫຍາຍບັນດາເນື້ອໃນການຮ່ວມມືໃນໄລຍະຈະມາເຖິງ ເປັນຕົ້ນແມ່ນ: ການບຳລຸງສ້າງ; ເຂົ້າຮ່ວມບັນດາການເຄື່ອນໄຫວຫຼາຍຝ່າຍ ໂດຍກະຊວງປ້ອງກັນປະເທດ ລັດເຊຍ ຈັດຕັ້ງ; ຄົ້ນຄວ້າວິທະຍາສາດໃນຂອບເຂດ ສູນເຂດຮ້ອນ ຫວຽດນາມ - ລັດເຊຍ; ການຮ່ວມມືລະຫວ່າງ ກົມໃຫຍ່ການເມືອງ ກອງທັບປະຊາຊົນ ຫວຽດນາມ ແລະ ກົມໃຫຍ່ການເມືອງ ກອງທັບບັນດາກຳລັງປະກອບອາວຸດ ສະຫະພັນ ລັດເຊຍ.