ທ່ານເອກອັກຄະລັດຖະທູດ Bruno Angelet ມອບປື້ມປົກຂາວໃຫ້ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນ ໂຮ່ຈີມິນ
(ພາບ:Thanh Vũ/TTXVN)
|
(vovworld) - ຕອນບ່າຍວັນທີ 15/3, ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນ ໂຮ່ຈີມິນ ໄດ້ຕ້ອນຮັບທ່ານເອກອັກຄະລັດຖະທູດ Bruno Angelet, ຫົວໜ້າຄະນະຜູ້ຕາງໜ້າສະຫະພາບ ເອີລົບ (ອີຢູ) ປະຈຳ ຫວຽດນາມ. ທີ່ການຕ້ອນຮັບ, ທ່ານ ຫງວຽນແທ່ງຟອງ ແລະ ທ່ານເອກອັກຄະລັດຖະທູດ Bruno Angelet ໄດ້ແລກປ່ຽນກ່ຽວກັບຄວາມຄືບໜ້າໃນການຜັນຂະຫຍາຍໂຄງການ Metro ເລກ 2, ໂຄງການພັດທະນາພື້ນຖານໂຄງລ່າງຕົວເມືອງແບບຍືນຍົງຢູ່ນະຄອນ ໂຮ່ຈີມິນ ໂດຍ ອີຢູ ອຸປະຖຳຜ່ານອົງການພັດທະນາ ຝຣັ່ງ (AFD) ແລະ ທະນາຄານສ້າງຕັ້ງ ເຢຍລະມັນຄືນໃໝ່ (KfW). 2 ຝ່າຍເປັນເອກະສັນກັນຈະຊຸກຍູ້ບັນດາອົງການກ່ຽວຂ້ອງຍູ້ໄວຄວາມຄືບໜ້າໃນການປະຕິບັດໂຄງການ, ສ້າງເງື່ອນໄຂໃຫ້ວິວັດການ ອີຢູ ສືບຕໍ່ເພີ່ມທະວີບັນດາໂຄງການຮ່ວມມືກັບນະຄອນ ໂຮ່ຈີມິນ ໃນໄລຍະຈະມາເຖິງ.
ທ່ານເອກອັກຄະລັດຖະທູດ Bruno Angelet ໃຫ້ຮູ້ວ່າ: ອີຢູ ເອົາໃຈໃສ່ພັດທະນາການພົວພັນຮ່ວມມືກັບ ຫວຽດນາມ ແລະ ປະຈຸບັນ ແມ່ນໜຶ່ງໃນຈຳນວນ 3 ຄູ່ຮ່ວມມືການຄ້າແຖວໜ້າຂອງ ຫວຽດນາມ, ຍືນອັນດັບທີ 5 ກ່ຽວກັບການລົງທຶນເຂົ້າ ຫວຽດນາມ. ບັນດາປະເທດສະມາຊິກ ອີຢູ ປາດຖະໜາຢາກກາຍເປັນນັກລົງທຶນເຂົ້າ ຫວຽດນາມ ໃຫຍ່ກ່ວາໝູ່, ພິເສດແມ່ນຢູ່ນະຄອນ ໂຮ່ຈີມິນ ແລະ ບັນດາແຂວງໃກ້ຄຽງ.