ການບຸກໂຈມຕີຄັ້ງໜຶ່ງຂອງອິດສະຣາແອນເຂົ້າຊີຣີ
(ພາບ: Fox News))
(vovworld)- ວັນທີ 9/5, ທ່ານລັດຖະມົນຕີການຕ່າງປະເທດຊີຣີ Faisal Muqdad ປະກາດວ່າ: ປະເທດນີ້ຈະໂຕ້ຕອບໂດຍທັນທີ່ ຕໍ່ບໍ່ວ່າການບຸກໂຈມຕີໃໝ່ຄັ້ງໃດຂອງອິດສະຣາແອນ ເຂົ້າເຂດດິນແດນຊີຣີ, ພາຍຫຼັງທີ່ອິດສະຣາແອນ ໄດ້ດຳເນີນການບຸກໂຈມຕີສອງຄັ້ງເມື່ອອາທິດກ່ອນ. ອິດສະຣາແອນ ຢັ້ງຢືນວ່າ: ບັນດາການກະທຳດ້ານການທະຫານນີ້ບໍ່ແມ່ນເພື່ອແນໃສ່ກະທົບເຖິງເສິກກາງເມືອງຢູ່ປະເທດບ້ານໃກ້ເຮືອນຄຽງ ຫາກພຽງແຕ່ເພື່ອແນໃສ່ສະກັດກັ້ນບັນດາລູກສອນໄຟຂອງອີຣານ ເທົ່ານັ້ນ.
ກ່ຽວກັບຊີຣີ ຍັງມີຂ່າວໃຫ້ຮູ້ວ່າ, ວັນທີ 8/5, ທ່ານເລຂາທິການໃຫ່ຍສະຫະພັນອາຣັບ Nabil al Arabi ໃຫ້ຮູ້ວ່າ ອົງການນີ້ຕີລາຄາສູງເລື່ອງລັດເຊຍ ແລະ ອາເມລິກາ ປະລະບັນດາຄວາມບໍ່ລົງລອຍກັນກ່ຽວກັບມາດຕະການດ້ານການເມືອງໃຫ້ແກ່ວິກິດການຢູ່ຊີຣີ ຕາມຂໍ້ຕົກລົງເຊີແນວ. ນີ້ແມ່ນການກະທຳອັນຕັ້ງໜ້າ, ເພື່ອຊຸກຍູ້ບັນດາຄວາມມານະພະຍາຍາມຂອງສາກົນ ແລະ ພາກພື້ນ ແນໃສ່ປະຕິບັດບັນດາຂໍ້ຕົກລົງຢູ່ກອງປະຊຸມເຊີແນວ ເມືອເດືອນ 6/2012. ທ່ານ Nabil al Arabi ຍັງຮຽກຮ້ອງໃຫ້ກຳລັງຝ່າຍຄ້ານຊີຣີ ຈົ່ງຕອບຄືນບັນດາຄວາມມານະພະຍາຍາມຂອງລັດເຊຍ ແລະ ອາເມລິກາ ເພື່ອບັນລຸຄວາມເຫັນດີເຫັນພ້ອມກ່ຽວກັບການສ້າງຕັ້ງລັດຖະບານມອບໂອນ.