(vovworld) – ວັນທີ 02/09, ອົງການຂ້າຫຼວງໃຫຍ່ສະຫະປະຊາຊາດ ເພື່ອຊາວອົບພະຍົບ (UNHCR) ໃຫ້ຮູ້ວ່າ, ການປະທະກັນຢູ່ທາງທິດຕາເວັນອອກ - ສ່ຽງໃຕ້ຢູແກຼນ ເຮັດໃຫ້ຊາວຢູແກຼນ ກວ່າ 500 ພັນຄົນຕ້ອງໄປອົບພະຍົບ. ຕາມຕົວເລກຫ້ຼາສຸດຂອງ UNHCR ແລ້ວ, ຢ່າງໜ້ອຍສຸດມີຊາວຢູແກຼນ 260.000 ຄົນຕ້ອງໄປອົບພະຍົບເຖິງເຂດອື່ນຢູ່ພາຍໃນປະເທດ, ເພີ່ມຂຶ້ນທົບ 2 ເທົ່າໃນເວລາພຽງ 1 ເດືອນຜ່ານມາ. ໃນຂະນະນັ້ນ, ຝ່າຍລັດເຊຍ ໄດ້ຖະແຫຼງວ່າ ມີຊາວຢູແກຼນ ປະມານ 260.000 ຄົນ ໄດ້ໄປອົບພະຍົບຢູ່ລັດເຊຍ ແລະ ປະຊາຊົນປະເທດນີ້ຍັງຊອກຫາວິທີອົບພະຍົບຢູ່ບັນດາປະເທດບ້ານໃກ້ເຮືອນຄຽງຄື ເບລາຣຸດ, ໂປໂລຍ, ແອດໂຕນີ… ນອກຈາກນັ້ນ, ໄດ້ມີ 2.600 ຄົນຖືກເສຍຊີວິດຍ້ອນການລູກລະເບີດຂອງທັງ 2 ຝ່າຍ. ຜູ້ນຳໜ້າ UNHCR ທ່ານ Antonio Guterres ໄດ້ກ່າວເຕື່ອນວ່າ ຜົນຮ້າຍຢ້ອນຫຼັງຈະຮ້າຍແຮງກ່ວາ ຖ້າຫາກບໍ່ຢຸດຕິການປະທະກັນຢູ່ທາງທິດຕາເວັນອອກ - ສ່ຽງໃຕ້ຢູແກຼນ. ປະຈຸບັນ, ຕາມການຄາດຄະເນຂອງ UNHCR ແລ້ວ, ຍັງມີປະຊາຊົນປະມານ 2,2 ລ້ານຄົນ ພວມຖືກຕິດຄ້າງໃນເຂດປະທະກັນຢູ່ທາງທິດຕາເວັນອອກ - ສ່ຽງໃຕ້ຢູແກຼນ.