ຊາວຫວຽດນາມ ອາໄສຢູ່ຕ່າງປະເທດ ຕັດສິນໃຈປົກປັກຮັກສາ ອະທິປະໄຕທີ່ສັກກະລາບູຊາຂອງປະເທດຊາດ
ປະຊາຄົມຊາວຫວຽດນາມ ອາໄສຢູ່ອີຢີບຄັດຄ້ານການກະທຳຂອງຈີນ
ທີ່ລະເມີດອະທິປະໄຕຂອງຫວຽດນາມ
(ພາບ: vietnamplus.vn)
(vovworld) – ວັນທີ 24/05, ສະຖານທູດ, ບັນດາອົງການຕາງໜ້າຂອງຫວຽດນາມ ປະຈຳ ອີຢີບ, ປະຊາຄົມຊາວຫວຽດນາມ ພວມດຳລົງຊີວິດ ແລະ ຮໍ່າຮຽນຢູ່ອີຢີບ ໄດ້ຈັດງານໂຮມຊຸມນູນ ສະແດງການສະໜັບສະໜູນຕໍ່ພັກ, ລັດ ແລະ ລັດຖະບານຫວຽດນາມ ໃນການຕໍ່ສູ້ປົກປັກຮັກສາອະທິປະໄຕທີ່ສັກກະລາບູຊາຂອງປະເທດຊາດ, ກ່າວປະນາມການກະທຳຂອງຈີນ ທີ່ຕັ້ງຮ້ານເຈາະນ້ຳມັນ ໄຮຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ກ່າວຄຳເຫັນທີ່ງານໂຮມຊຸມນູນ, ທ່ານເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງ ສສ.ຫວຽດນາມ ປະຈຳ ອີຢີບ ດ່າວແທ່ງຈູງ ຢືນຢັນວ່າ ອະທິປະໄຕຂອງຫວຽດນາມ ແມ່ນສັກກະລາບູຊາ ແລະ ບໍ່ອາດລ່ວງລ້ຳໄດ້. ຫວຽດນາມ ຄັດຄ້ານການກະທຳຂອງຈີນ ທີ່ຕັ້ງຮ້ານເຈາະນ້ຳມັນ ໄຮຢາງ 981 ເຂົ້າເລິກໃນເຂດໄຫຼ່ທະວີບຂອງຫວຽດນາມ ຢ່າງແຮງ. ດ້ວຍເຈດຕະນາດີຂອງຕົນ, ຫວຽດນາມ ໄດ້ເປັນເຈົ້າການຕິດຕໍ່ ແລະ ພົບປະກັບຝ່າຍຈີນ ເປັນຫຼາຍຄັ້ງ, ຮຽກຮ້ອງໃຫ້ປະເທດນີ້ ຢຸດຕິບັນດາການກະທຳລະເມີດກົດໝາຍສາກົນສຳລັບອະທິປະໄຕຜືນແຜ່ນດິນຂອງຫວຽດນາມ. ທ່ານເອກອັກຄະລັດຖະທູດ ດ່າວແທ່ງຈູງ ເນັ້ນໜັກວ່າ.
“ການກະທຳຂອງຈີນ ໄດ້ເຮັດໃຫ້ສະພາບສັນຕິພາບ, ຄວາມປອດໄພ, ສະຖຽນລະພາບ ແລະ ຄວາມເສລີໃນການເດີນທະເລ, ການບິນຖືກນາບຂູ່ຢ່າງຮ້າຍແຮງ. ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ຊີ້ແຈ້ງທັດສະນະຂອງຫວຽດນາມ, ຢືນຢັນເລື່ອງພວກເຮົາຈະນຳໃຊ້ທຸກວິທີເພື່ອແກ້ໄຂບັນຫາໃຫ້ເໝາະສົມກັບກົດໝາຍສາກົນ, ເໝາະສົມກັບສົນທິສັນຍາກ່ຽວກັບທະເລຂອງສະຫະປະຊາຊາດ ແລະ ເໝາະສົມກັບບັນດາຫຼັກການ, ຂໍ້ຕົກລົງລວມລະຫວ່າງອາຊຽນ ແລະ ຈີນ. ອະທິປະໄຕມີຄວາມສັກກະລາບູຊາ ແລະ ພວກເຮົາ ບໍ່ອາດນຳອະທິປະໄຕສັກກະລະບູຊານັ້ນ ເພື່ອແລກເອົາມິດຕະພາບແບບລະເມີເຟີຝັນ ແລະ ຂຶ້ນກັບມັນ”.
ຜູ້ຕ່າງໜ້າບັນດານັກສຶກສາ ແລະ ຊາວຫວຽດນາມ ອາໄສຢູ່ອີຢີບ ກໍ່ຮຽກຮ້ອງຈີນຖອນຮ້ານເຈາະນ້ຳມັນທີ່ຜິດກົດໝາຍໄຮຢາງ 981 ອອກຈາກເຂດທະເລຂອງຫວຽດນາມ.
ແລະກໍ່ໃນວັນດຽວກັນ, ມີນັກຮຽນ, ນັກສຶກສາ, ພໍ່ແມ່ປະຊາຊົນ ແລະ ຊາວສະວິດເປັນຈຳນວນຫຼວງຫຼາຍ ໄດ້ເດີນຂະບວນຕາມຖະໜົມສາຍຕົ້ນຕໍ່ຢູ່ນະຄອນ Zurich ແລະ ໄດ້ເຕົ້າໂຮມກັນຢູ່ຕໍ່ໜ້າສະຖານກົງສູນຈີນ ປະຈຳສະວິດ ເພື່ອຄັດຄ້ານເລື່ອງຈີນ ຕັ້ງຮ້ານເຈາະນ້ຳມັນໄຮຢາງ 981 ຢູ່ໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ ຢ່າງຜິດກົດໝາຍ. ບັນດາຜູ້ເດີນຂະບວນໄດ້ຍົກປ້າຍຄຳຂວັນຮຽກຮ້ອງຈີນ ປະຕິບັດຕາມກົດໝາຍສາກົນ, ກ່າວປະນາມເລື່ອງຕັ້ງຮ້ານເຈາະນ້ຳມັນຂອງຈີນ ແມ່ນໄດ້ລະເມີດສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ ເຊິ່ງໄດ້ຮັບການລົງນາມເມື່ອປີ 1982 ກັບ 155 ປະເທດ, ໃນນັ້ນມີຈີນ ຢ່າງແຮງ.