ຊາວໂຮ່ຈີມິນສ່ວນຫຼາຍ ໄດ້ເຫັນດີຕໍ່ຮູບແບບບໍ່ຈັດ ຕັ້ງສະພາປະຊາຊົນຂັ້ນ ເມືອງ, ຕາແສງ
(ພາບ: vietnamnet.vn)
Vov5.vn - ຕາມການຕີລາຄາຂອງຄະນະຈັດຕັ້ງຄະນະພັກນະຄອນ ໂຮ່ຈີມິນ, ເລື່ອງທົດລອງບໍ່ຈັດຕັ້ງຮູບແບບສະພາປະຊາຊົນຂັ້ນເມືອງ, ຕາແສງໃນບໍລິເວັນນະຄອນ ແມ່ນແຜນນະໂຍບາຍທີ່ເໝາະສົມກັບເງື່ອນໄຂຕົວຈິງຂອງນະຄອນ ໄດ້ຮັບການເຫັນດີເຫັນພ້ອມ, ສະໜັບສະໜູນຂອງປະຊາຊົນ ແລະ ການເຫັນດີເປັນເອກະສັນກັນຂອງບັນດາຂະແໜງການ, ຂັ້ນຕ່າງໆຢູ່ນະຄອນ. ຜ່ານການທົດລອງນີ້, ໃນເບື້ອງຕົ້ນນະຄອນໄດ້ປະຕິບັດການສ້າງກົງຈັກໃຫ້ກະທັດລັດ, ແກ້ໄຂບັນຫາຊ້ອນກັນກ່ຽວກັບບົດບາດ, ໜ້າທີ່ຂອງບັນດາອົງການ, ຮັບປະກັນລັກສະນະເປັນເອກະພາບ, ທະລຸລ່ວງ, ຍົກສູງປະສິດທິຜົນ, ຜົນສັກສິດຂອງກົງຈັກບໍລິຫານແຫ່ງລັດ ແລະ ເສີມຂະຫຍາຍປະຊາທິປະໄຕຢູ່ຂັ້ນຮາກຖານໂດຍກົງ. ການເຄື່ອນໄຫວຕິດຕາມກວດກາຂອງປະຊາຊົນຜ່ານ ຄະນະກຳມະການແນວໂຮມປະເທດຊາດ ແລະ ບັນດາອົງການຈັດຕັ້ງການເມືອງ - ສັງຄົມຂັ້ນຕ່າງໆໃນນະຄອນສືບຕໍ່ໄດ້ຮັບການເສີມຂະຫຍາຍ, ໄດ້ປຸກລະດົມບັນດາແຫຼ່ງກຳລັງໃນໝູ່ປະຊາຊົນ, ປະກອບສ່ວນປະຕິບັດບັນດາຄາດໝາຍໃນແຜນການເສດຖະກິດ - ສັງຄົມ ແລະ ການປ້ອງກັນຊາດປ້ອງກັນຄວາມສະຫງົບເປັນຢ່າງດີ.