(vovworld) – ວັນ​ທີ 13/6, ທ່ານລັດຖະມົນຕີ​ກະຊວງ​ປ້ອງ​ກັນ​ປະ​ເທດ ຍີ່ປຸ່ນ Onodera Itsunori ​ໄດ້​ຮຽກຮ້ອງການ​ສ້າງ​ໂທລະສັບ​ສາຍ​ດ່ວນ​ປ້ອງ​ກັນ​ຄວາມ​ສະຫງົບ​​ໃນການ​ເດີນ​ທະ​ເລລະຫວ່າງ ຍີ່ປຸ່ນ ​ແລະ ຈີນ. ທ່ານ Onodera Itsunori ​ໄດ້​ຍົກ​ອອກ​ຄຳ​ເຫັນ​ດັ່ງກ່າວ​ພາຍຫຼັງ ຍີ່ປຸ່ນ ກ່າວ​ຫາ​ເຮືອບິນ​ສຸ້​ຮົບ​ຂອງ ຈີນ ​ໄດ້​ບິ​ນ​ເຂົ້າໃກ້​​ເຮືອບິນ​ຂອງ​ກຳລັງ​ປ້ອງ​ກັນ ຍີ່ປຸ່ນ ​ໃນ​ທະ​ເລ​ຮວາ​ຕູ​ງ “​ແບບ​ອັນຕະລາຍ” ​ເມື່ອ​ວັນ​ທີ 11/6. ນີ້​​ເປັນ​ຄັ້ງ​ທຳ​ອິດ​​ໃນ​​ໄລຍະ​ບໍ່ຮອດ 3 ອາທິດ, ຍີ່​ປຸ່ນ ​ໄດ້​ກ່າວ​ຫາ​ຝ່າຍ ຈີນ ມີ​ການ​ກະທຳທີ່​ຄ້າຍຄື​ກັນ. ພາຍຫຼັງ​ເຫ​ດການດັ່ງກ່າວ, ທ່ານ​ຮອງ​ລັດຖະມົນຕີ​ການ​ຕ່າງປະ​ເທດ ຍີ່ປຸ່ນ Akitada Saiki ​ໄດ້​ຮຽກ​ຕົວ​ເອກ​ອັກ​ຄະ​ລັດຖະທູດ ຈີນ ເຈິງຢູ໋ງຮວາ ມາສຳນັກງານ​ກະຊວງ​ການ​ຕ່າງປະ​ເທດ ຍີ່ປຸ່ນ ​ເພື່ອ​ຄັດຄ້ານ, ພ້ອມ​ທັງ​ກະຕຸກ​ຊຸກຍູ້ ປັກ​ກິງ ສ້າງ​ຕັ້ງ​​ໂທລະ​ສັບ​ສາຍ​ດ່ວນ​​ເພື່ອຕິດ​ຕໍ່​ພົວພັນ​ກ່ຽວ​ກັບ​ການ​ເດີນ​ທະ​ເລ​ກັບ ​ໂຕ​ກຽວ.