ພາບປະກອບ
|
(vovworld) - ວັນທີ 5/6, ທ່ານຮອງນາຍົກລັດຖະມົນຕີ ຍີ່ປຸ່ນ ທັງເປັນລັດຖະມົນຕີວ່າການກະຊວງການເງິນ Taro Aso ໄດ້ເຈລະຈາກັບຄູ່ຕຳແໜ່ງ ຈີນ ຈາງກາວລີ ຢູ່ປັກກິ່ງ, ຕາມນັ້ນແລ້ວ, 2 ຝ່າຍເຫັນດີເປັນເອກະສັນເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ເພື່ອແນໃສ່ປັບປຸງການພົວພັນທີ່ຖືກແຕກແຫງຍ້ອນບັນດາບັນຫາກ່ຽວຂ້ອງເຖິງຜືນແຜ່ນດິນ ແລະ ປະຫວັດສາດໄລຍະສົງຄາມ. ຕອບສຳພາດຕໍ່ວົງການນັກຂ່າວພາຍຫຼັງການເຈລະຈາ, ທ່ານຮອງນາຍົກລັດຖະມົນຕີ ຍີ່ປຸ່ນ Taro Aso ຢັ້ງຢືນ: 2 ປະເທດຈະຮັກສາການໂອ້ລົມສົນທະນາໃນລະດັບຕ່າງໆ ແລະ ເພີ່ມທະວີການພົວພັນໄວ້ເນື້ອເຊື່ອໃຈເຊິ່ງກັນ ແລະ ກັນ. ສ່ວນທ່ານຮອງນາຍົກລັດຖະມົນຕີ ຈີນ ຈາງກາວລີ ສະແດງຄວາມຫວັງສ້າງການພົວພັນ ຍີ່ປຸ່ນ - ຈີນ ເປັນປົກກະຕິ. ຈີນ ຮຽກຮ້ອງໃຫ້ ຍີ່ປຸ່ນ ຮັບຮູ້ປະຫວັດສາດຢ່າງກົງໄປກົງມາ, ຄວບຄຸມບັນດາຄວາມສ່ຽງ ແລະ ແກ້ໄຂຄວາມບໍ່ລົງລອຍກັນກັບຈີນ.