ສປປເກົາຫຼີປະກາດຈະຍິງທົດລອງນິວເຄຼຍຄັ້ງທີ 3
(ພາບ: viet.rfi.fr)
(vovworld)- ວົງການເຈົ້າໜ້າທີ່ຍີ່ປຸ່ນ ແລະ ອາເມລິກາ ໄດ້ເຫັນດີເປັນເອກະສັນຈະຮ່ວມມືກັບ ສເກົາຫຼີ ຢ່າງແໜ້ນແຟ້ນເພື່ອແນໃສ່ສະກັດກັ້ນ ສປປເກົາຫຼີ ດຳເນີນການທົດລອງນິວເຄຼຍຄັ້ງໃໝ່. ໃນການພົບປະທີ່ນະຄອນຫຼວງໂຕກຽວ ເມື່ອວັນທີ 28/1, ທ່ານ Shinsuke Sugiyama ຫົວໜ້າກົມບັນດາບັນຫາອາຊີ-ມະຫາສະມຸດອັກລັງຕິກ, ສັງກັດກະຊວງການຕ່າງປະເທດຍີ່ປຸ່ນ ແລະ ທູດພິເສດຂອງອາເມລິກາ ກ່ຽວກັບບັນຫາ ສປປເກົາຫຼີ, ທ່ານ Glyn Davies ໄດ້ແລກປ່ຽນບັນດາມາດຕະການຊ່ວຍອາເມລິກາ, ຍີ່ປຸ່ນ, ສເກົາຫຼີ ຮັບມືໃນກໍລະນີພຽງຢາງ ດຳເນີນການທົດລອງນິວເຄຼຍ. ຄຽງຄູ່ກັນນັ້ນ, ວົງການເຈົ້າໜ້າທີ່ສອງປະເທດກໍ່ຮັບຮອງເອົາບັນດາແຜນການເພື່ອແນໃສ່ກໍ່ກຳລັງດັນບັງຄັບໃຫ້ ສປປເກົາຫຼີ ຕ້ອງປະຕິບັດບັນດາມະຕິທີ່ກ່ຽວຂ້ອງຂອງສະພາຄວາມໝັ້ນຄົງ ສປຊ, ບໍ່ປະຕິບັດທຸກໆ“ການກະທຳເກາະຜິດໃດໆ“, ໃນນັ້ນມີການທົດລອງນິວເຄຼຍ. ສອງຝ່າຍຍັງເຫັນດີເຫັນພ້ອມຈະຮ່ວມມືກັບຈີນ ແລະ ລັດເຊຍ ຊື່ງແມ່ນສອງປະເທດເຂົ້າຮ່ວມວິວັດການເຈລະຈາ 6 ຝ່າຍ ເພື່ອແນໃສ່ແກ້ໄຂບັນຫານິວເຄຼຍ.