ການນຳ 2 ທ່ານໄດ້ປຶກສາຫາລືບັນດາບັນຫາສາກົນ ກໍຄືຊຸກຍູ້ການຄ້າເສລີ ແລະ ການປະຕິຮູບອົງການການຄ້າໂລກ (WTO)… 2 ຝ່າຍໄດ້ເຫັນດີຈະຊີ້ນຳບັນດາກອງປະຊຸມປຶກສາຫາລືກ່ຽວກັບບັນດາບັນຫາ ດັ່ງກ່າວທີ່ກອງປະຊຸມສຸດຍອດກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນແຖວໜ້າໂລກ (G20), ເຊິ່ງຄາດວ່າຈະດຳເນີນຢູ່ Osaka, ປະເທດຍີ່ປຸ່ນ ໃນເດືອນ ມິຖຸນາ ຈະມາເຖິງ. ການນຳ 2 ທ່ານໄດ້ເຫັນດີສົມທົບກັນຢ່າງແໜ້ນແຟ້ນເພື່ອມຸ່ງໄປເຖິງຜົນສຳເລັດຂອງກອງປະຊຸມ G20 ກໍຄືກອງປະຊຸມສຸດຍອດກຸ່ມບັນດາປະເທດອຸດສາຫະກຳພັດທະນາແຖວໜ້າຂອງໂລກ (G7) ດ້ວຍສານທີ່ໄດ້ຍົກອອກມາຢ່າງແຮງກ່ຽວກັບການຄ້າເສລີ ແລະ ພ້ອມກັນແກ້ໄຂບັນດາບັນຫາທີ່ມີລັກສະນະທົ່ວໂລກ. ຕາມການຄາດຄະເນ, ກອງປະຊຸມສຸດຍອດ G7 ຈະດຳເນີນໃນເດືອນສິງຫາ ຢູ່ຝລັ່ງ.