ຍີ່ປຸ່ນ ຈະເປັນປະທານຮ່ວມກອງປະຊຸມສຸດຍອດທີ່ຈະຈັດຂຶ້ນດ້ວຍຮູບການທາງອອນລາຍໃນວັນທີ 2 ມິຖຸນາ ຈະມາເຖິງ ເພື່ອປຶກສາຫາລືກ່ຽວກັບວັກຊິນກັນພະຍາດໂຄວິດ -19, ໃນນັ້ນ ລວມມີເນື້ອໃນຮັບປະກັນການຈຳໜ່າຍວັກຊິນຢ່າງຍຸຕິທຳໃຫ້ບັນດາປະເທດພວມພັດທະນາ. ຕາມແຜນການແລ້ວ, ທ່ານນາຍົກລັດຖະມົນຕີ ຍີ່ປຸ່ນ Suga Yoshihide ແລະ ທ່ານລັດຖະມົນຕີການຕ່າງປະເທດ Motegi ຈະເຂົ້າຮ່ວມກອງປະຊຸມສຸດຍອດຜ່ານທາງອອນລາຍ ໂດຍ ສະຫະພັນ ວັກຊິນ Gavi ຈັດຕັ້ງ. ບັນດາຫົວຂໍ້ທີ່ຈະໄດ້ນຳສະເໜີລວມມີ ແຜນການມອບວັກຊິນກັນພະຍາດໂຄວິດ - 19 ຈຳນວນ 1,8 ຕື້ ໂດສ ເພື່ອສັກໃຫ້ປະມານ 30% ຈຳນວນປະຊາຊົນຂອງບັນດາປະເທດພວມພັດທະນາ. ການນຳບັນດາປະເທດຈະປຶກສາຫາລືກ່ຽວກັບແບບວິທີລະດົມທຶນ 1,7 ຕື້ USD ເພື່ອປະຕິບັດແຜນການດັ່ງກ່າວ.