ທ່ານນາຍົກລັດຖະມົນຕີ ຍີ່ປຸ່ນ Fumio Kishida ພົບປະກັບທ່ານນາຍົກລັດຖະມົນຕີ ອິນເດຍ Narendra Modi (ພາບ: Kyodo/TTXVN)

        ວັນທີ 27 ກັນຍາ, ທ່ານນາຍົກລັດຖະມົນຕີ ຍີ່ປຸ່ນ Fumio Kishida ແລະ ບັນດາຄູ່ຕຳແໜ່ງ ອົດສະຕາລີ ແລະ ອິນເດຍ ໄດ້ເຫັນດີຮ່ວມມືກັນມຸ່ງໄປເຖິງພາກພື້ນ ມະຫາສະໝຸດອິນເດຍ - ປາຊີຟິກ ເສລີ ແລະ ເປີດກວ້າງ, ວິໄສທັດເຊິ່ງທ່ານອະດີດນາຍົກລັດຖະມົນຕີ Abe Shinzo ສະໜັບສະໜູນ. ຕາມກະຊວງການຕ່າງປະເທດ ຍີ່ປຸ່ນ ແລ້ວ, ທ່ານ Kishida ບັນລຸໄດ້ຄວາມເຫັນດີເຫັນພ້ອມດັ່ງກ່າວໃນການພົບປະສະເພາະກັບທ່ານນາຍົກລັດຖະມົນຕີ ອົດສະຕາລີ Anthony Albanese ແລະ ທ່ານນາຍົກລັດຖະມົນຕີ ອິນເດຍ Narendra Modi.

        ທີ່ການພົບປະກັບທ່ານນາຍົກລັດຖະມົນຕີ ອິນເດຍ Narendra Modi, ທ່ານນາຍົກລັດຖະມົນຕີ ຍີ່ປຸ່ນ Kishida ໃຫ້ຮູ້ວ່າ ຍີ່ປຸ່ນ ຈະເສີມຂະຫຍາຍບັນດາຜົນງານດ້ານການທູດເຊິ່ງທ່ານອະດີດນາຍົກລັດຖະມົນຕີ Shinzo Abe ບັນລຸໄດ້, ພ້ອມກັນນັ້ນ ກໍ່ສືບຕໍ່ຮ່ວມມືກັບ ອິນເດຍ ເພື່ອປະຕິບັດການຫັນມະຫາສະໝຸດອິນເດຍ - ປາຊີຟິກ ເປັນເສລີ ແລະ ເປີດກວ້າງ. ສ່ວນທ່ານນາຍົກລັດຖະມົນຕີ Narendra Modi ຢືນຢັນການພົວພັນ 2 ຝ່າຍໄດ້ຍົກຂຶ້ນສູ່ລະດັບສູງໃໝ່ ພາຍຫຼັງເປີດກວ້າງຫຼາຍຂົງເຂດຮ່ວມມືໃນສະໄໝຂອງອຳນາດການປົກຄອງຂອງທ່ານນາຍົກລັດຖະມົນຕີ Abe Shinzo.

        ໃນຂະນະນັ້ນ, ທີ່ການພົບປະກັບນາຍົກລັດຖະມົນຕີ ອົດສະຕາລີ Anthony Albanese, ທ່ານນາຍົກລັດຖະມົນຕີ Kishida ກໍ່ໃຫ້ຄຳໝັ້ນສັນຍາພ້ອມກັບທ່ານນາຍົກລັດຖະມົນຕີ ອີຕາລີ ເຮັດໃຫ້ການພົວພັນຮ່ວມມືດ້ານປ້ອງກັນຊາດລະຫວ່າງ 2 ປະເທດໃຫ້ເລິກເຊິ່ງຂຶ້ນຕື່ມ.