ທ່ານ Shinsuke Sugiyama, ທ່ານ Glyn Davies ແລະ ທ່ານ Lim Sung Nam. ພາບ:AP
|
(vovworld) - ໃນຂອບເຂດກອງປະຊຸມຂັ້ນນັກວິຊາການ 3 ຝ່າຍ ຢູ່ ນະຄອນຫລວງ ໂຕກຽວ ປະເທດຍີ່ປຸ່ນ ເມື່ອວັນທີ 17/10, ຍ່ີປຸ່ນ, ອາເມລິກາ ແລະ ສເກົາຫລີ ໄດ້ຢືນຢັນຄືນເຖິງການຮ່ວມມືຢ່າງແຫນ້ນແຟ້ນໃນບັນຫານິວເຄຼຍ ແລະ ລູກສອນໄຟຂອງ ສປປ ເກົາຫລີ. ກອງປະຊຸມດັ່ງກ່າວໂດຍແມ່ນທ່ານ Shisuke Sugiyama ຫົວຫນ້າກົມອາຊີ - ທະວີໂອເຊອານີ ຂຶ້ນກັບກະຊວງການຕ່າງປະເທດ ຍີ່ປຸ່ນ ພ້ອມທັງເປັນຫົວຫນ້າຄະນະເຈລະຈາ 6 ຝ່າຍຂອງ ຍີ່ປຸ່ນ ເປັນປະທານ ໂດຍມີການເຂົ້າຮ່ວມຂອງທ່ານ Glyn Davies ທູດພິເສດ ອາເມລິກາ ຮັບຜິດຊອບບັນຫານິວເຄຼຍຢູ່ ແຫລມເກົາຫລີ ແລະ ທ່ານ Lim Sung Nam ຫົວຫນ້າຄະນະເຈລະຈາ 6 ຝ່າຍຂອງ ສເກົາຫລີ. ທີ່ກອງປະຊຸມ 3 ຝ່າຍ, ຫົວຫນ້າຄະນະເຈລະຈາ 6 ຝ່າຍຂອງຍີ່ປຸ່ນ ກໍແຈ້ງໃຫ້ຝ່າຍ ອາເມລິກາ ແລະ ສ ເກົາຫລີ ຮັບຊາບກ່ຽວກັບຄວາມຄືບຫນ້າໃນການເຈລະຈາລະຫວ່າງລັດຖະບານຍີ່ປຸ່ນ ແລະ ສປປ ເກົາຫລີໃນທ້າຍເດືອນ 8/2012 ຜ່ານມາພາຍຫລັງ 4 ປີ ຖືກໂຈະໄວ້. ທີ່ກອງປະຊຸມ, ຜູ້ຕາງຫນ້າ 3 ປະເທດ ກໍເນັ້ນຫນັກບົດບາດສຳຄັນຂອງລັດເຊຍ ແລະ ຈີນ ໃນວິວັດການເຈລະຈາ 6 ຝ່າຍກ່ຽວກັບບັນຫານິວເຄຼຍຂອງ ສປປ ເກົາຫລີ ພ້ອມທັງເປັນເອກະພາບກັນສືບຕໍ່ຈັດຕັ້ງ ວາລະທາບທາມຄຳເຫັນສາມຝ່າຍຢູ່ທຸກຂັ້ນ.