ພິທີ ຍ້ອງຍໍສັນລະເສີນ “ຄູອາຈານໜຸ່ນດີເດັ່ນ” ຄັ້ງທີ 4 ປີ 2024 (ພາບ: VGP)

ນີ້ແມ່ນລາງວັນສະຫງວນໃຫ້ແກ່ບັນດາຄູອາຈານຖືສັນຊາດ ຫວຽດນາມ ທີ່ມີອາຍຸບໍ່ເກີນ 35 ປີ, ພວມປະຕິບັດວຽກງານການສິດສອນໃນບັນດາໂຮງຮຽນ, ຮາກຖານການສຶກສາບຳລຸງສ້າງ, ຮາກຖານການສຶກສາວິຊາຊີບຂຶ້ນກັບລະບົບການສຶກສາແຫ່ງຊາດ.

ປີນີ້, ມີຄູສອນ, ອາຈານໜຸ່ມ 99 ຄົນທີ່ມາຈາກທຸກແຫ່ງໃນທົ່ວປະເທດ ມີຄວາມເປັນກຽດໄດ້ຮັບລາງວັນ “ຄູອາຈານໜຸ່ມດີເດັ່ນ” ຄັ້ງທີ 4. ຄູອາຈານແຕ່ລະຄົນທີ່ໄດ້ຮັບການຍ້ອງຍໍສັນລະເສີນລ້ວນແຕ່ມີຂໍ້ລິເລີ່ມທີ່ພົ້ນເດັ່ນໃນວິວັດການສິດສອນ, ການຄົ້ນຄ້ວາວິທະຍາສາດນຳມາເຊິ່ງປະສິດທິຜົນທີ່ດີໃຫ້ແກ່ນັກຮຽນ, ນັກສຶກສາ ໃນວິວັດການຮຽນ. ໃນນັ້ນ ມີຄູສອນທີ່ເປັນຊາວຊົນເຜົ່າສ່ວນໜ້ອຍ 12 ທ່ານ (ໄຕ, ຂະແມ, ນຸ່ງ, ເມື່ອງ, ລາວ, ຮວາ, ຊ້ານຈີ, ເກີຕູ, ປູແປວ). ນີ້ແມ່ນບັນດາຄູສອນທີ່ມີ ບຸກຄະລິກກະພາບອັນປະເສີດຂອງລຸ້ນໜຸ່ມແມ່ນ: ຕະລຸມບອນ, ອາສາສະໝັກ, ມີຫົວຄິດປະດິດສ້າງ, ອຸທິດສ່ວນ. ນັ້ນກໍ່ແມ່ນແບບຢ່າງທີ່ເຕັມໄປດ້ວຍມານະຈິດບືນຕົວຂຶ້ນ, ຜ່ານຜ່າຄວາມຫຍຸ້ງຍາກ, ສືບຕໍ່ເປັນຄູສອນ ແລະ ຮັກມັກໃນອາຊີບ.