ຍາມໃດຫວຽດນາມກໍ່ເຄົາລົບ,ຮັບປະກັນບັນດາສິດແລະພື້ນຖານຄວາມເສລີຂອງປະຊາຊົນ
ທ່ານເອກອັກຄະລັດຖະທູດວິສາມັນ
ຜູ້ມີອຳນາດເຕັມແຫ່ງສສ.ຫວຽດນາມ ຫງວຽນຈຸງແທ່ງ
(vovworld) - ວັນທີ 15/05, ເມື່ອຕອບຄຳຖາມຂອງນັກຂ່າວກ່ຽວຂ້ອງເຖິງແຈ້ງການໃນວັນທີ 13/05 ຂອງໂຄສົກຂອງຂະຫຼວງໃຫຍ່ສິດທິມະນຸດສະຫະປະຊາຊາດ, ທ່ານເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງສສ.ຫວຽດນາມ ຫງວຽນຈຸງແທ່ງ, ຜູ້ຕາງໜ້າຂອງຫວຽດນາມ ປະຈຳສະຫະປະຊາຊາດ (ເຊີແນວ), ເນັ້ນໜັກວ່າ, ຫວຽດນາມ ປະຕິເສດບັນດາຂໍ້ມູນຂ່າວທີ່ບໍ່ຖືກຕ້ອງ, ຂາດຄວາມເປັນພາວະວິໄສ, ບໍ່ມີຫຼັກຖານຂອງໂຄສົກຂອງຂະຫຼວງໃຫຍ່, ພ້ອມທັງສະແດງຄວາມເສຍດາຍ ແລະ ຜິດຫວັງກ່ຽວກັບປະຕິກິລິຍານີ້. ຍາມໃດຫວຽດນາມ ກໍ່ເຄົາລົບ, ຮັບປະກັນບັນດາສິດ ແລະ ພື້ນຖານຄວາມເສລີຂອງປະຊາຊົນ, ໃນນັ້ນມີສິດເສລີໃກ່ຽວກັບການປະຊຸມ, ຄວາມເສລີໃນການປາກເວົ້າ, ເໝາະສົມກັບລັດຖະທຳມະມູນປີ 2013 ແລະ ບັນດາມາດຕະຖານສາກົນກ່ຽວກັບສິດຂອງມະນຸດ. ບັນດາສົນທິສັນຍາສາກົນ, ພິເສດແມ່ນສົນທິສັນຍາກ່ຽວກັບສິດພົນລະເມືອງ ແລະ ການເມືອງກໍໄດ້ກຳນົດຢ່າງຈະແຈ້ງບັນດາສິດ ແລະ ຄວາມເສລີສ່ວນຕົວ ຕ້ອງໄດ້ຮັບການປະຕິບັດໃນຂອບເຂດກົດໝາຍ, ບໍ່ສົ່ງຜົນສະທ້ອນເຖິງຄວາມສະຫງົບປອດໄພທາງສັງຄົມ… ບົນຈິດໃຈນັ້ນ, ບັນດາມາດຕະການຈຳເປັນໄດ້ຮັບການປະຕິບັດແມ່ນສອດຄ່ອງກັບກົດໝາຍຫວຽດນາມ ແລະ ມາດຕະຖານສາກົນ. ບັນດາການກະທຳທີ່ລະດົມໃຫ້ມີການໃຊ້ຄວາມຮຸນແຮງ, ກໍ່ຄວາມວຸ້ນວາຍມີຜົນສະທ້ອນເຖິງຊີວິດຂອງປະຊາຊົນຕ້ອງໄດ້ຮັບການສະກັດກັ້ນໃນຂອບເຂດກົດໝາຍ, ເພື່ອຜົນປະໂຫຍດລວມຂອງປະຊາຄົມ.
ຕໍ່ໜ້າບັນຫາສິ່ງແວດລ້ອມເກີດຂຶ້ນຢູ່ບັນດາແຂວງທາງພາກໃຕ້, ລັດຖະບານ, ບັນດາທ້ອງຖິ່ນທີ່ກ່ຽວຂ້ອງ ແລະ ບັນດາອົງການຈັດຕັ້ງການເມືອງ, ສັງຄົມ, ອົງການຈັດຕັ້ງມະຫາຊົນໄດ້ ແລະ ພວມມານະພະຍາຍາມຈົນສຸດຄວາມສາມາດຂອງຕົນເພື່ອໜູນຊ່ວຍປະຊາຊົນທີ່ຖືກຜົນກະທົບໂດຍກົງ. ດ້ວຍການໜູນຊ່ວຍຂອງບັນດາຄູ່ຮ່ວມມື, ບັນດານັກວິທະຍາສາດສາກົນ, ຫວຽດນາມ ພວມຮີບເຮັ່ງຊອກຮູ້ສາຍເຫດຂອງສະພາບດັ່ງກ່າວ ແລະ ອັບເດັດສະພາບການທາງພາຫະນະສື່ສານມະຫາຊົນເປັນປະຈຳ. ພວກຂ້າພະເຈົ້າຊົມເຊີຍການຮ່ວມມືຂອງປະເທດຕ່າງໆ, ບັນດາອົງການຈັດຕັ້ງສາກົນ, ໃນນັ້ນມີສະຫະປະຊາຊາດໃນຄວາມມານະພະຍາຍາມ ພ້ອມກັບຫວຽດນາມ ແກ້ໄຂບັນຫາດັ່ງກ່າວ, ບົນຈິດໃຈວິທະຍາສາດ, ພາວະວິໄສ, ມີເຈດຕະນາດີ ແລະ ສ້າງສັນ.