(vovworld) - ຍູ້​ແຮງ​ການ​ສົ່ງ​ອອກ​ແຮງ​ງານ​ໄປ​ສູ່​ຕະຫຼາດ​ໄຕ​ຫວັນ (ຈີນ). ນີ້​ແມ່ນ​ຄາດໝາຍ​ເຊິ່ງຫວຽ​ດນາມ​ ວາງ​ອອກ​ໃນ​ປີ 2015. ຕາມ​ທ່ານ ​ຕົ໋ງຫາຍ​ນາມ, ຮອງ​ຫົວໜ້າ​ກົມ​ຄຸ້ມ​ຄອງ​ຄົນ​ງານ​ຕ່າງປະ​ເທດ, ກະຊວງ​ແຮງ​ງານ ທະຫານ​ເສຍ​ອົງຄະ ​ແລະ ສັງຄົມ ຫວຽດນາມ​ ແລ້ວ, ​ໄຕ​ຫວັນ (ຈີນ) ບໍ່​ພຽງ​ແຕ່​ແມ່ນ​ຕະຫຼາດ​ທີ່​ມີ​ຄວາມ​ໃກ້ຊິດ​ສະໜິດສະໜົມ​ກັບ​ຫວຽດນາມ​ເທົ່າ​ນັ້ນ, ຫາກ​ຍັງ​ແມ່ນ​ຕະຫຼາດ​ຮັບ​ເອົາ​ຄົນ​ງານ​ທົ່ວ​ໄປ ​ແລະ ມີ​ເງິນ​ເດືອນ​ພື້ນຖານ​ສູ​ງສົມຄວນ​ໃນ​ຕະຫຼາດ​ຮັບ​ເອົາ​ຄົນ​ງານ​ປະຈຸ​ບັນ​ນີ້, (ດ້ວຍ 630 USD/ຄົນ/​ເດືອນ).

 “ປີ 2015, ຕະຫຼາດ​ໄຕ​ຫວັນ (ຈີນ) ຍັງ​ຄົງ​ແມ່ນ​ຕະຫຼາດ​ມີ​ຄວາມ​ສາມາດ​ຮັບ​ເອົາ​ຄົນ​ງານ​ຫວຽດນາມ​ມາ​ເຮັດ​ວຽກ​ດ້ວຍ​ຈຳນວນ​ຫຼາຍ. ​ໄລຍະ​ຜ່ານ​ມາ, ພວກ​ເຮົາ​ໄດ້​ເຮັດ​ວຽກ​ງານ​ຮັບ​ສະໝັກ ​ແລະ ​ບຳລຸງ​ສ້າງ​​ໄດ້​ດີ, ດັ່ງ​ນັ້ນ​ຄຸນ​ນະພາ​ບຄົນ​ງານ​ຈຶ່ງ​ໄດ້​ຮັບ​ການ​ຍົກ​ສູງ​ຂຶ້ນ. ຂ້າພະ​ເຈົ້າ​ເຊື່ອ​ໝັ້ນ​ວ່າ, ​ໃນ​ຊຸ່ມ​ປີ​ຈະ​ມາ​ເຖິງ, ​ໄຕ​ຫວັນ (ຈີນ) ສືບ​ຕໍ່​ແມ່ນ​ຕະຫຼາດ​ທີ່​ສ້າງ​ຄວາມ​ດຶງ​ດູດ​ໃຫ້​ແກ່​ຄົນ​ງານ​ຫວຽດນາມ“.

        ປີ 2014, ​ເປັນ​ເທື່ອ​ທຳ​ອິດ​ທີ່​ຫວຽດນາມ​ສົ່ງ​ຄົນ​ງານ 100.000 ກວ່າ​ຄົນ​ໄປ​ເຮັດ​ວຽກ​ຢູ່​ຕ່າງປະ​ເທດ, ​ໃນ​ນັ້ນໄຕ​ຫວັນ (ຈີນ)  ​ແມ່ນ​ຕະຫຼາດ​ຮັບ​ເອົາ​ຄົນ​ງານ​ຫຼາຍ​ທີ່​ສຸດ, ດ້ວຍ 62.000 ຄົນ.