ຍູ້ແຮງການສົມທົບໂຄສະນາລະຫວ່າງສູນກາງແນວໂຮມປະເທດຊາດ ແລະ ອົງການສະມາຊິກ
ກອງປະຊຸມຕີລາຄາໝາກຜົນແຫ່ງການປະຕິບັດວຽກງານສົມທົບໂຄສະນາໄລຍະ 6 ເດືອນຕົ້ນປີ 2015 |
(vovworld)- ຕອນເຊົ້າວັນທີ 29/7, ຢູ່ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ສົມທົບກັບສະຫະພັນໃຫຍ່ແຮງງານຫວຽດນາມ, ຄະນະຊາວໜຸ່ມກອມມູນິດຫວຽດນາມ, ສະຫະພັນແມ່ຍິງຫວຽດນາມ, ສະມາຄົມຊາວນາຫວຽດນາມ, ສະມາຄົມນັກຮົບເກົ່າຫວຽດນາມ ຈັດຕັ້ງກອງປະຊຸມຕີລາຄາໝາກຜົນແຫ່ງການປະຕິບັດວຽກງານສົມທົບໂຄສະນາໄລຍະ 6 ເດືອນຕົ້ນປີ 2015, ຜັນຂະຫຍາຍແຜນຮ່າງ “ປ່ຽນໃໝ່ວຽກງານຖະແຫຼງຂ່າວ, ໂຄສະນາຂອງແນວໂຮມປະເທດຊາດຫວຽດນາມ”. ທີ່ກອງປະຊຸມ, ບັນດາຜູ້ແທນຖືວ່າ ພາຍຫຼັງ 1 ປີແຫ່ງການປະຕິບັດແຜນການສົມທົບວຽກງານ, ຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ບັນດາອົງການຈັດຕັ້ງການເມືອງ - ສັງຄົມ ໃນເບື້ອງຕົ້ນໄດ້ເປັນເອກະພາບກັນໃນການໂຄສະນາບັນດາແຜນນະໂຍບາຍຂອງພັກ, ນະໂຍບາຍ,ກົດໝາຍຂອງລັດ, ບັນດາເຫດການທັງຢູ່ພາຍໃນປະເທດ ແລະ ສາກົນ… ບັນດາຜູ້ແທນຖືວ່າ ໃນໄລຍະທີ່ຈະມາເຖິງ, ຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ບັນດາອົງການຈັດຕັ້ງການເມືອງ - ສັງຄົມ ສືບຕໍ່ວຽກງານຊີ້ນຳ, ກຳນົດທິດບັນດາການເຄື່ອນໄຫວສົມທົບກັນປະຕິບັດວຽກງານ.