ທ່ານເອກອັກຄະລັດຖະທູດຫວຽດນາມປະຈຳລັດເຊຍ ຫງວຽນແທງເຊີນ

 ແຕ່ວັນທີ 10 – 13/7, ໃນຂອບເຂດງານວາງສະແດງສາກົນ “ອຸດສາຫະກຳເຕັກໂນໂລຢີໃໝ່” ຊຶ່ງຖືກຈັດຂຶ້ນຢູ່ນະຄອນ Ekaterinbua, ແຂວງ Sverdlovsk ບັນດາວິສາຫະກິດຫວຽດນາມ ແລະ ສະຫະພັນລັດເຊຍໄດ້ຈັດບັນດາການເຄື່ອນໄຫວທີ່ສຳຄັນ ແນໃສ່ຊອກຫາກາລະໂອກາດຮ່ວມມື, ຮັບເອົາຄວາມຕ້ອງການໃນການສ້າງຕັ້ງການຮ່ວມມືຂອງບັນດາວິສາຫະກິດ Sverdlovsk ເວົ້າສະເພາະ ແລະ ໃນທົ່ວສະຫະພັນລັດເຊຍເວົ້າລວມ. ເນື່ອງໃນໂອກາດນີ້, ທ່ານເອກອັກຄະລັດຖະທູດຫວຽດນາມປະຈຳສະຫະພັນລັດເຊຍ ຫງວຽນແທງເຊີນ ກໍໄດ້ເຂົ້າຮ່ວມເວທີປາໄສວິສາຫະກິດລັດເຊຍ-ຫວຽດນາມຢູ່ Sverdlovsk, ພົບປະກັບຜູ້ຮັກສາການເຈົ້າແຂວງໆ Sverdlovsk ແລະ ມີການເຈລະຈາ 2 ຝ່າຍກັບລັດຖະມົນຕີກະຊວງພົວພັນສາກົນ ແລະ ການພົວພັນເສດຖະກິດກັບຕ່າງປະເທດແຂວງ Sverdlovsk. ທ່ານເອກອັກຄະລັດຖະທູດຫວຽດນາມປະຈຳສະຫະພັນລັດເຊຍ ຫງວຽນແທງເຊີນ ເນັ້ນໜັກວ່າ :

   “ ຂ້າພະເຈົ້າເຫັນວ່າ ຄວາມສາມາດບົ່ມຊ້ອນຂອງແຂວງ Sverdlovsk ແມ່ນໃຫຍ່ຫຼວງທີ່ສຸດ, ພິເສດ ນີ້ແມ່ນອູ່ຜະລິດບັນດາພາຫະນະເຄື່ອງຈັກອຸດສາຫະກຳໜັກ. ຂ້າພະເຈົ້າຄິດວ່າ ໃນໄລຍະທີ່ຈະມາເຖິງ, ດ້ວຍຈິດໃຈ ແລະ ແຜນນະໂຍບາຍເຊື່ອມໂຍງຢ່າງຕັ້ງໜ້າ, ໃນນັ້ນມີບັນດາຄູ່ຮ່ວມມືຍຸດທະສາດທີ່ເປັນມູນເຊື້ອຄື: ສະຫະພັນລັດເຊຍ, ບັນດາວິສາຫະກິດຫວຽດນາມຄວນມີຍຸດທະສາດຮ່ວມມື ແລະ ລົງທຶນຢ່າງລະອຽດຢູ່ ສະຫະພັນລັດເຊຍ, ພິເສດແມ່ນຢູ່ແຂວງ Sverdlovsk ”