ຍູ້ແຮງການຮ່ຳຮຽນແລະປະຕິບັດຕາມແບບຢ່າງຄຸນສົມບັດໂຮ່ຈີມິນ
(ກອງປະຊຸມ ສະຫລຸບເລື່ອງປະຕິບັດ
ຄຳສັ່ງເລດທີ 03 ຂອງກົມການເມືອງ)
(vovworld) – ຕອນເຊົ້າວັນທີ 25/12, ຢູ່ຮ່າໂນ້ຍ, ຄະນະເລຂາສູນກາງພັກ ຈັດຕັ້ງກອງປະຊຸມ ສະຫລຸບເລື່ອງປະຕິບັດຄຳສັ່ງເລດທີ 03 ຂອງກົມການເມືອງກ່ຽວກັບ “ສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດ ໂຮ່ຈີມິນ” ທາງເຄືອຂ່າຍອິນເຕີແນັດ. ກ່າວຄຳເຫັນທີ່ກອງປະຊຸມ, ຜູ້ປະຈຳການຄະນະເລຂາທິການ ທ່ານ ເລຮົ່ງແອງ ຍ້ອງຍໍໝາກຜົນ ເຊິ່ງອຳນາດການປົກຄອງ, ຂະແໜງການ, ອົງການຈັດຕັ້ງມະຫາຊົນບັນລຸໄດ້, ຍ້ອງຍໍໝູ່ຄະນະ, ສ່ວນບຸກຄົນມີຜົນງານຫລາຍຢ່າງ ແລະ ຕັ້ງໜ້າຮ່ຳຮຽນ ປະຕິບັດຕາມແບບຢ່າງຄຸນສົມບັດ ໂຮ່ຈີມິນ ໃນໄລຍະຜ່ານມາ. ທ່ານເລຮົ່ງແອງ ເນັ້ນໜັກວ່າ:
“ຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດຂອງປະທານ ໂຮ່ຈີມິນ ໄດ້ກ້າວເຂົ້າສູ່ການດຳລົງຊີວິດ ແລະ ກາຍເປັນສະຕິຕື່ນຕົວ ແລະ ນັບມື້ນັບແທດຈິງກ່ວາ, ຈຳກັດໄດ້ການປະຕິບັດແບບຮູບການ, ການນຳທຸກຂັ້ນໄດ້ສຸມໃສ່ແກ້ໄຂຫລາຍບັນຫາທີ່ເຄັ່ງຮ້ອນ, ຄົງຄ້າງຢູ່ຂັ້ນຮາກຖານ ; ປະກອບສ່ວນປັບປຸງຄວາມໄວ້ເນື້ອເຊື່ອໃຈຂອງພະນັກງານສະມາຊິກພັກ, ປະຊາຊົນຕໍ່ພັກ, ລັດ, ບາງທ້ອງຖິ່ນສາມາດແກ້ໄຂເຫດການໄດ້ຢ່າງເຖິງຖອງ 90%.”
ທ່ານ ເລຮົ່ງແອງ ສະເໜີວ່າ ໃນໄລຍະຈະມາເຖິງ, ເລື່ອງຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດ ໂຮ່ຈີມິນ ຄວນໄດ້ຮັບການປະຕິບັດເປັນປະຈຳ; ສືບຕໍ່ຫັນຄຳສັ່ງເລກທີ 3 ຂອງກົມການເມືອງໃນກຸ່ມອົງການແຫ່ງລັດເປັນລະອຽດ; ອຳນາດການປົກຄອງທຸກຂັ້ນຄວນເອົາໃຈໃສ່ຊີ້ນຳປະຕິບັດວຽກງານນີ້ເປັນຢ່າງດີ.