ຖະແຫຼງການຂອງໂຄສົກ ກະຊວງການຕ່າງປະເທດ ຫວຽດນາມ ໃນວັນທີ 21/6/2012
(ພາບ:vuonraulochung.wordpress.com)
( vovworld ) – ວັນທີ 21/6/2012, ສະພາແຫ່ງຊາດໄດ້ຮັບຮອງເອົາກົດໝາຍວ່າດ້ວຍທະເລຫວຽດນາມ. ນີ້ແມ່ນການເຄື່ອນໄຫວດ້ານນິຕິບັນຍັດປົກກະຕິ ເພື່ອແນໃສ່ສ້າງກອບກົດໝາຍຂອງຫວຽດນາມ ໃຫ້ສົມບູນແບບ, ຮັບໃຊ້ໃຫ້ແກ່ການນຳໃຊ້, ຄຸ້ມຄອງ, ປົກປັກຮັກສາບັນດາເຂດທະເລ, ໝູ່ເກາະ ແລະ ການພັດທະນາເສດຖະກິດຂອງຫວຽດນາມ, ສ້າງເງື່ອນໄຂອຳນວຍຄວາມສະດວກໃຫ້ແກ່ວິວັດການເຊື່ອມໂຍງເຂົ້າກັບໂລກ ແລະ ເພີ່ມທະວີການຮ່ວມມືກັບບັນດາປະເທດ, ເພື່ອສັນຕິພາບ, ສະຖຽນລະພາບໃນພາກພື້ນ ແລະໃນໂລກ. ແຕ່ໜ້າເສຍດາຍທີ່ຈີນ ໄດ້ມີບັນດາຄຳຕຳນິຕິຕຽນທີ່ໄຮ້ເຫດຜົນ ສຳລັບວຽກງານເປັນທຳຂອງຫວຽດນາມ. ຮ້າຍແຮງກ່ວາອີກ ແມ່ນຈີນ ໄດ້ໃຫ້ສັດຕະຍາບັນ ສ້າງຕັ້ງອັນທີ່ເອີ້ນວ່າ “ນະຄອນຊານຊາ“ ຊື່ງ ມີຂອບເຂດຄຸ້ມຄອງລວມມີທັງໝູ່ເກາະ Hoang Sa ແລະ Truong Sa ຂອງຫວຽດນາມ. ຫວຽດນາມ ເດັດດຽວປະຕິເສດຄຳຕຳນິຕິຕຽນທີ່ໄຮ້ເຫດຜົນຂອງຝ່າຍ ຈີນ ພ້ອມທັງຄັດຄ້ານເລື່ອງຈີນ ສ້າງຕັ້ງສ້າງຕັ້ງອັນທີ່ເອີ້ນວ່າ “ນະຄອນຊານຊາ“ ຢ່າງຮ້າຍແຮງ.
ຕ້ອງຢືນຢັນຄືນໃໝ່ວ່າ ຫວຽດນາມ ມີພື້ນຖານດ້ານກົດໝາຍ ແລະ ພະຍານຫຼັກຖານປະຫວັດສາດຢ່າງຄົບຖ້ວນ ເພື່ອຢືນຢັນອະທິປະໄຕທີ່ບໍ່ສາມາດໂຕ້ຖຽງກັນໄດ້ ສຳລັບສອງໝູ່ເກາະ Hoang Sa ແລະ Truong Sa. ເລື່ອງກົດໝາຍວ່າດ້ວຍທະເລຫວຽດນາມ ໄດ້ເຕື້ອງເຖິງສອງໝູ່ເກາະ Hoang Sa ແລະ Truong Sa ແມ່ນການສືບຕໍ່ຈາກບາງຂໍ້ກຳນົດໃນບັນດາກົດໝາຍທີ່ມີມາກ່ອນຂອງຫວຽນດາມ. ນີ້ບໍ່ແມ່ນບັນຫາໃໝ່ ແລະ ບໍ່ກໍ່ຜົນສະທ້ອນເຖິງວິວັດການຊອກຫາມາດຕະການອັນເປັນພື້ນຖານ, ຍາວນານໃຫ້ແກ່ບັນດາການພິພາດຢູ່ທະເລຕາເວັນອອກ. ຫວຽດນາມ ມີແຜນນະໂຍບາຍຢ່າງສະເໝີຕົ້ນສະເໝີປາຍໃນການແກ້ໄຂຄວາມບໍ່ລົງລອຍກັນ, ການພິພາດຢູ່ທະເລຕາເວັນອອກດ້ວຍມາດຕະການສັນຕິພາບ, ບົນພື້ນຖານກົດໝາຍ ສາກົນ. ຍາມໃດຫວຽດນາມ ກໍຖືການພົວພັນກັບຈີນ ເປັນສຳຄັນ, ພ້ອມແລ້ວທີ່ຈະພ້ອມກັບຈີນ ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ ແລະ ການຮ່ວມມືໃນພາກພື້ນ ແລະ ໃນໂລກ.