ທ້ອງຖິ່ນຕ່າງໆຜັນຂະຫຍາຍການປະຕິບັດມະຕິກອງປະຊຸມສູນກາງພັກຄັ້ງທີ 8 (ຊຸດທີ 11)
ລາຍເຈົາ ຈັດກອງປະຊຸມຜັນຂະຫຍາຍບັນດາມະຕິ,
ຂໍ້ສະຫຼຸບຂອງກອງປະຊຸມຄັ້ງທີ 8 ຄະນະບໍລິຫານງານສູນກາງພັກ (ຊຸດທີ 11)
(ພາບ: laichau.gov.vn)
(vovworld) - ວັນທີ 6/1, ຄະນະພັກແຂວງ ລາຍເຈົາ ໄດ້ຈັດກອງປະຊຸມພະນັກງານຫຼັກແຫຼ່ງທົ່ວແຂວງເພື່ອຮຳ່ຮຽນ, ຊາບຊຶມ ແລະ ຜັນຂະຫຍາຍບັນດາມະຕິ, ຂໍ້ສະຫຼຸບຂອງກອງປະຊຸມຄັ້ງທີ 8 ຄະນະບໍລິຫານງານສູນກາງພັກ (ຊຸດທີ 11). ບັນດາຜູ້ແທນເຂົ້າຮ່ວມກອງປະຊຸມຮັບຟັງການແນະນຳບັນດາເນື້ອໃນຂອງມະຕິກ່ຽວກັບ “ການປ່ຽນໃໝ່ການສຶກສາ ແລະ ບຳລຸງສ້າງໂດຍພື້ນຖານ ແລະ ຮອບດ້ານ, ຕອບສະໜອງຄວາມຮຽກຮ້ອງຕ້ອງການໃນການຫັນເປັນອຸດສາຫະກຳ ແລະ ທັນສະໄໝໃນເງື່ອນໄຂເສດຖະກິດການຕະຫຼາດຕາມກຳນົດທິດສັງຄົມນິຍົມ ແລະ ເຊື່ອມໂຍງເຂົ້າກັບສາກົນ”; ມະຕິກ່ຽວກັບ “ຍຸດທະສາດໃນການປົກປັກຮັກສາປະເທດຊາດໃນສະພາບການໃໝ່”; ຂໍ້ສະຫຼຸບກ່ຽວກັບ “ ສາພາບການເສດຖະກິດ - ສັງຄົມ ປີ 2013 ແລະ ເປົ້າໝາຍ, ໜ້າທີ່ພັດທະນາເສດຖະກິດ - ສັງຄົມ ປີ 2014.”
ໃນວັນທີ 6-7/1, ຄະນະພັກແຂວງ ເງະອານ ກໍ່ຈັດຕັ້ງກອງປະຊຸມເພື່ອຊາບຊຶມບັນດາມະຕິ,ຂໍ້ສະຫຼຸບຂອງປະຊຸມສູນກາງພັກຄັ້ງທີ 8 (ຊຸດທີ 11) ເຊັ່ນດຽວກັນ.