(ພາບປະກອບ:doanhnghieptrunguong.vn)
(vovworld)- ຕອນເຊົ້າວັນທີ 15/4, ກ່າວຄຳເຫັນຊີ້ນຳກອງປະຊຸມສະຫລຸບ 10 ປີແຫ່ງການເຄື່ອນໄຫວຂອງທະນາຄານນະໂຍບາຍສັງຄົມ (ໄລຍະ2003-2013). ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ສະເໜີໃຫ້ທະນາຄານຈົ່ງປະຕິບັດເປັນຢ່າງດີບັນດາໜ້າທີ່ມາດຕະການໄດ້ວາງອອກໃນຍຸດທະສາດພັດທະນາໄລຍະ 2011-2020, ໂດຍສະເພາະແມ່ນບັນດາມາດຕະການຄວບຄຸມໄພເງິນເຟີ້, ສ້າງພື້ນຖານເສດຖະກິດມະຫາພາກເປັນປົກກະຕິ, ຮັບປະກັນຊີວິດສັງຄົມ ຕາມເນື້ອໃນຈິດໃຈບັນດາມະຕິຊີ້ນຳບໍລິຫານພັດທະນາເສດຖະກິດສັງຄົມປະຈຳປີຂອງລັດຖະບານ. ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ຖືວ່າ: ການເຄື່ອນໄຫວຂອງທະນາຄານນະໂຍບາຍສັງຄົມ ຫວຽດນາມ ຍາມໃດກໍ່ຕິດແທດກັບຈຸດໝາຍລະດົມບັນດາແຫຼ່ງກຳລັງການເງິນເພື່ອສ້າງແຫຼ່ງທຶນ, ຈັດຕັ້ງປະຕິບັດບັນດາໂຄງການສິນເຊື່ອນະໂຍບາຍຂອງລັດຢ່າງມີປະສິດທິຜົນ, ປະກອບສ່ວນລົບລ້າງຄວາມອຶດຫິວ ຫລຸດຜ່ອນຄວາມທຸກຍາກ, ປົວແປງ ແລະ ຍົກສູງຊີວິດການເປັນຢູ່ຂອງປະຊາຊົນ. ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ຮຽກຮ້ອງໃຫ້ກະຊວງການເງິນ, ກະຊວງແຜນການ ແລະ ການລົງທຶນ, ທະນາຄານແຫ່ງລັດຈົ່ງຄົ້ນຄ້ວາບັນດາມາດຕະການຍົກສູງຄວາມສາມາດດ້ານການເງິນ ແລະ ເພີ່ມລັກສະນະເປັນເຈົ້າການຂອງທະນາຄານນະໂຍບາຍສັງຄົມ ຫວຽດນາມ ເພື່ອຕອບສະໜອງຄວາມຕ້ອງການກູ້ຢືມທຶນຂອງຄອບຄົວທຸກຍາກ ແລະ ເປົ້າໝາຍນະໂຍບາຍນັບມື້ນັບດີກ່ວາ.