ໃນເວລາຢູ່ຝລັ່ງ, ທ່ານນາງ Kamala Harris ຈະພົບປະກັບທ່ານປະທານາທິບໍດີ ຝລັ່ງ Emanuel Macron ໃນວັນທີ 10 ພະຈິກ ແລະ ນີ້ໄດ້ຖືວ່າ ແມ່ນຈຸດພົ້ນເດັ່ນຂອງ ການຢ້ຽມຢາມ ຝລັ່ງ ຂອງທ່ານນາງ Kamala Harris. ເຈົ້າໜ້າທີ່ຂັ້ນສູງທ່ານໜຶ່ງຂອງ ອຳນາດການປົກຄອງ ປະທານາທິບໍດີ ອາເມລິກາ Joe Biden ໃຫ້ຮູ້ວ່າ ສານຂອງການພົບປະຄັ້ງນີ້ ຈະແມ່ນ ລະດັບຄວາມສຳຄັນຂອງການພົວພັນ ອາເມລິກາ - ຝລັ່ງ ໃນບັນດາບັນຫາສອງຝ່າຍ ແລະ ທົ່ວໂລກ. ນອກຈາກນັ້ນ, ທ່ານນາງ Kamala Harris ກໍ່ໄດ້ໄປຢ້ຽມຢາມສະຖາບັນ Pasteur, ຊຶ່ງແມ່ນສູນຄົ້ນຄ້ວາດ້ານແພດສາດ ຢູ່ນະຄອນຫຼວງ ປາຣີ, ແລະ ພົບປະກັບບັນດານັກວິທະຍາສາດ ອາເມລິກາ ແລະ ຝລັ່ງ ທີ່ພວມສົມທົບກັນໃນຂົງເຂດຄົ້ນຄ້ວາ ກ່ຽວກັບໂຄວິດ - 19 ແລະ ກຽມພ້ອມການຮັບມືກັບບັນດາໂລກລະບາດໃນອະນາຄົດ. ທ່ານນາງ Kamala Harris ກໍ່ມີບົດກ່າວປາໄສຢູ່ພິທີໄຂຂອງ ເວທີປາໄສສັນຕິພາບ ປາຣີ ແລະ ເຂົ້າຮ່ວມກອງປະຊຸມສາກົນ ກ່ຽວກັບ ລີບີໂດຍມີການເຂົ້າຮ່ວມຂອງ ປະມຸກລັດຕ່າງປະເທດຫຼາຍທ່ານ.