ທ່ານນາຍົກລັດຖະມົນຕີຫງວຽນຊວນຟຸກຖະຫວາຍທູບທຽນອາໄລຫາປະທານໂຮ່ຈີມິນ
ທ່ານຫງວຽນຊວນຟຸກ ໄດ້ໄປຖະຫວາຍທູບທຽນ, ອາໄລຫາ ແລະ
ສະແດງຄວາມຮູ້ບຸນຄຸນອັນໃຫຍ່ຫລວງຂອງປະທານ ໂຮ່ຈີມິນ
(vovworld) – ຕອນບ່າຍວັນທີ 23/08, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ໄປຖະຫວາຍທູບທຽນ, ອາໄລຫາ ແລະ ສະແດງຄວາມຮູ້ບຸນຄຸນອັນໃຫຍ່ຫລວງຂອງປະທານ ໂຮ່ຈີມິນ ຜູ້ນຳທີ່ຍິງໃຫຍ່ຂອງປະຊາຊົນຫວຽດນາມບັນດາເຜົ່າ ຢູ່ເຂດອະນຸສອນສະຖານປະທານ ໂຮ່ຈີມິນ ໃນບໍລິເວນສຳນັກງານປະທານປະເທດ ເນື່ອງໃນໂອກາດລະນຶກ 47 ປີແຫ່ງວັນເຖິງແກ່ມໍລະນະກຳປະທານ ໂຮ່ຈີມິນ (02/09/1969 – 02/09/2016) ແລະ 47 ປີແຫ່ງວັນປະຕິບັດຄຳພິໄນກຳຂອງປະທານ ໂຮ່ຈີມິນ. ທ່ານນາຍົກລັດຖະມົນຕີ ຫງວຽນຊວນຟຸກ ສະແດງຄວາມຮູ້ບຸນຄຸນຢ່າງລົ້ນເຫຼືອຕໍ່ຄຸນງາມຄວາມດີອັນໃຫຍ່ຫລວງຂອງເພີ່ນ ສຳລັບພາລະກິດຕໍ່ສູ້ປົດປ່ອຍຊາດ, ທ້ອນໂຮມປະເທດຊາດເປັນເອກະພາບ. ທ່ານນາຍົກລັດຖະມົນຕີ ກໍ່ຢ້ຽມຢາມຖາມຂ່າວ, ປຸກລະດົມກຳລັງໃຈພະນັກງານ, ພາລະກອນເຂດອະນຸສອນສະຖານ.