ຕອນບ່າຍວັນທີ 9 ມິຖຸນາ ຢູ່ ສຳນັກງານລັດຖະບານ, ກ່າວຄຳເຫັນທີ່ການຕ້ອນຮັບທ່ານ ເອກອັກຄະລັດຖະທູດ ຍີ່ປຸ່ນ Yamada Takio ມາຮັບຫນ້າທີ່ການທູດຢູ່ຫວຽດນາມ, ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນ: ຫວຽດນາມ ຍາມໃດກໍ່ຖື ຍີ່ປຸ່ນ ແມ່ນຄູ່ຮ່ວມມືສຳຄັນແຖວຫນ້າ, ຍາວນານ ແລະ ປາດຖະຫນາຢາກສືບຕໍ່ພ້ອມກັບ ຍີ່ປຸ່ນ ເຮັດໃຫ້ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດເລິກເຊິ່ງຂຶ້ນຕື່ມ. ທ່ານນາຍົກລັດຖະມົນຕີ ຢືນຢັນວ່າ ໄລຍະຈະມາເຖິງ ສອງປະເທດ ຈະສົມທົບກັນຢ່າງແຫນ້ນແຟ້ນ ເພື່ອຍູ້ແຮງການຮ່ວມມືລະຫວ່າງສອງປະເທດ ຫລັງໂລກລະບາດໂຄວິດ 19. ຫວຽດນາມ ພ້ອມແລ້ວຕ້ອນຮັບນັກຊ່ຽວຊານ, ນັກລົງທຶນຍີ່ປຸ່ນ 500 ຄົນມາຫວຽດນາມ ແລະ ນຳສົ່ງນັກສຶກສາ ຫວຽດນາມ 10.000 ຄົນໄປຮ່ຳຮຽນ ຢູ່ຍີ່ປຸ່ນ. ທ່ານນາຍົກລັດຖະມົນຕີ ສະເຫນີ ທ່ານເອກອັກຄະລັດຖະທູດ ຍີ່ປຸ່ນ ຊຸກຍູ້ວິສາຫະກິດ ຍີ່ປຸ່ນ ຕັ້ງຫນ້າເປີດກວ້າງການລົງທຶນ, ດຳເນີນທຸລະກິດ ຢູ່ ຫວຽດນາມ.