(VOVWORLD) - ເພື່ອຄວບຄຸມໄດ້ໂລກລະບາດໂດຍໄວ, ປະຕິບັດການພັດທະນາເສດຖະກິດ - ສັງຄົມ, ນຳຊີວິດການເປັນຢູ່ຂອງປະຊາຊົນກັບຄືນສູ່ສະພາບເປັນປົກກະຕິ, ໜຶ່ງໃນບັນດາມາດຕະການສຳຄັນແຖວໜ້າແມ່ນຕ້ອງມີວັນຊິນກັນໂຄວິດ - 19 ຢ່າງຄົບຖ້ວນໂດຍໄວທີ່ສຸດ ແລະ ເປັນເຈົ້າການກ່ຽວກັບວັກຊິນກັນໂຄວິດ - 19 ຕ້ອງໄດ້ຮັບການຜະລິດພາຍໃນປະເທດ.
 ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: TTXVN) |
ວັນທີ 26 ກໍລະກົດ, ແຈ້ງການສະຫຼຸບຂອງ ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຢູ່ກອງປະຊຸມ ກ່ຽວກັບການຄົ້ນຄ້ວາ, ຜະລິດວັກຊິນກັນໂຄວິດ - 19 ພາຍໃນປະເທດ ແລະ ທາງອອນລາຍກັບໜ່ວຍງານພິເສດ ຂອງລັດຖະບານ ຢູ່ນະຄອນໂຮ່ຈີມິນ ໄດ້ເນັ້ນໜັ້ກວ່າ ໂລກລະບາດໂຄວິດ - 19 ພວມມີການຜັນແປຢ່າງໄວ, ສັບສົນ ແລະ ຍາກທີ່ຈະຄາດຄະເນລ່ວງໜ້າໄດ້ຢູ່ຫຼາຍແຂວງ, ນະຄອນໃນທົ່ວປະເທດ.
ເພື່ອຄວບຄຸມໄດ້ໂລກລະບາດໂດຍໄວ, ປະຕິບັດການພັດທະນາເສດຖະກິດ - ສັງຄົມ, ນຳຊີວິດການເປັນຢູ່ຂອງປະຊາຊົນກັບຄືນສູ່ສະພາບເປັນປົກກະຕິ, ໜຶ່ງໃນບັນດາມາດຕະການສຳຄັນແຖວໜ້າແມ່ນຕ້ອງມີວັນຊິນກັນໂຄວິດ - 19 ຢ່າງຄົບຖ້ວນໂດຍໄວທີ່ສຸດ ແລະ ເປັນເຈົ້າການກ່ຽວກັບວັກຊິນກັນໂຄວິດ - 19 ຕ້ອງໄດ້ຮັບການຜະລິດພາຍໃນປະເທດ.
ບັນດາກະຊວງ, ອົງການທີ່ກ່ຽວຂ້ອງຕ້ອງສະຫງວນຄວາມເອົາໃຈໃສ່ເປັນພິເສດ ເພື່ອຜະລິດ ວັກຊິນກັນໂຄວິດ - 19 ພາຍໃນ ປະເທດ ໃຫ້ໄວທີ່ສຸດເທົ່າທີ່ຈະໄວໄດ້.ຂັ້ນຕອນ, ການປະຕິບັດລະບຽບການ ອາດຈະຫຼຸດລົງທີ່ສຸດ, ແຕ່ຕ້ອງຖື ຊີວິດອິນຊີ, ສຸຂະພາບຂອງປະຊາຊົນເໜືອກ່ວາສິ່ງໃດໝົດ ແລະ ຕ້ອງຮັບປະກັນບັນດາຫຼັກການ, ຂໍ້ກຳນົດດ້ານນິຕິກຳ, ວິທະຍາສາດ ແລະ ພຶດຕິກຳຕົວຈິງ.
ກະຊວງສາທາລະນະສຸກ ໄດ້ສົມທົບກັບບັນດາອົງການຈັດຕັ້ງສາກົນທີ່ກ່ຽວຂ້ອງ ສືບຕໍ່ຊີ້ນຳ, ຊຸກຍູ້ວິວັດການຄົ້ນຄ້ວາ, ທົດລອງການສັກຕໍ່ຄົນໄລຍະທີ 2 ແລະ ມີແຜນການຕໍ່ໄປຂອງການຄົ້ນຄ້ວາໂດຍໄວ, ທົດລອງສັກຕໍ່ຄົນໄລຍະທີ 3 ຂອງບັນດາວັກຊິນ ທີ່ພວມໄດ້ຮັບການການຄົ້ນຄ້ວາ ແລະ ຜະລິດພາຍໃນປະເທດ.