ທ່ານນາຍົກລັດຖະມົນຕີ ຟ້າມມິງຈິງ ເດີນທາງໄປຮອດຄຸນໝິງ ເລີ່ມຕົ້ນການປະຕິບັດງານຢູ່ ຈີນ

ຕອນເຊົ້າວັນທີ 5 ພະຈິກ, ຕາມເວລາທ້ອງຖິ່ນ, ເຮືອບິນໂດຍສານທ່ານນາຍົກລັດຖະມົນຕີ ຟ້າມມິງຈິງ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ລົງຈອດຢູ່ສະໜາມບິນສາກົນ ຊ້າງສຸ່ຍ, ນະຄອນ ຄຸນໝິງ, ແຂວງ ຢຸນໜານ, ຈີນ ເລີ່ມຕົ້ນການເດີນທາງເຂົ້າຮ່ວມກອງປະຊຸມສຸດຍອດການຮ່ວມມືອະນຸພາກພື້ນ ແມ່ນ້ຳຂອງເປີດກວ້າງ (GMS) ຄັ້ງທີ 8 ຕາມຄຳເຊື້ອເຊີນຂອງທ່ານນາຍົກລັດຖະມົນຕີ ຈີນ ຫຼີສຽງ ແລະ ເຂົ້າຮ່ວມກອງປະຊຸມສຸດຍອດຍຸດທະສາດການຮ່ວມມືເສດຖະກິດ Ayeyawady - Chao Phraya – Mekong (ACMECS) ຄັ້ງທີ 10, ກອງປະຊຸມສຸດຍອດການຮ່ວມມືກຳປູເຈຍ - ລາວ - ມຽນມາ - ຫວຽດນາມ (CLMV) ຄັ້ງທີ 11 ແລະ ເຮັດວຽກຢູ່ຈີນ ໃນລະຫວ່າງວັນທີ 5 – 8 ພະຈິກ.

ທີ່ບັນດາກອງປະຊຸມຄັ້ງນີ້, ໄປຄຽງຄູ່ກັບບັນດາບັນຫາຄື: ເສດຖະກິດ, ການຄ້າ, ການລົງທຶນ, ເຊື່ອມຈອດພື້ນຖານໂຄງລ່າງ, ການຄຸ້ມຄອງ ແລະ ນຳໃຊ້ແຫຼ່ງນ້ຳຂ້າມຊາດແບບຍືນຍົງ, ບັນດາການນຳຈະສຸມໃສ່ປຶກສາຫາລືບັນດາບັນຫາໃໝ່, ໃນນັ້ນພົ້ນເດັ່ນແມ່ນນະວັດຕະກຳ… ພິເສດ, ຢູ່ກອງປະຊຸມ GMS 8, ບັນດາການນຳເຂົ້າຮ່ວມຈະຮັບຮອງເອົາຖະແຫຼງການຮ່ວມຂອງກອງປະຊຸມ ແລະ ຍຸດທະສາດນະວັດຕະກຳ ເພື່ອການພັດທະນາ GMS ປີ 2030, ຮັບຮູ້ເອກະສານ 6 ສະບັບກ່ຽວກັບການລົງທຶນ, ສິ່ງແວດລ້ອມ ແລະ ການປ່ຽນແປງຂອງດິນຟ້າອາກາດ, ການຫັນເປັນດີຈີຕອນ, ຄວາມສະເໝີພາບລະຫວ່າງຍິງຊາຍ, ການແພດ, ກອບການຫັນເອກະສານທາງການຄ້າເປັນດີຈີຕອນ.