ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: VGP)

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຮຽກຮ້ອງໃຫ້ໂຄງການຕ້ອງມີຂອບຂະໜາດກວ້າງໃຫຍ່ ແລະ ມີເວລາຍາວນານຢ່າງພຽງພໍ, ບົນພື້ນຖານຕິດແທດກັບມະຕິກອງປະຊຸມໃຫຍ່ຄັ້ງທີ XIII ຂອງພັກກອມມູນິດ ຫວຽດນາມ, ຕິດແທດກັບແຜນການພັດທະນາເສດຖະກິດ ສັງຄົມ ໄລຍະ 5 ປີ 2021 – 2025 ແລະ ໂຄງການພັດທະນາເສດຖະກິດ - ສັງຄົມ ປີ 2022. ທ່ານນາຍົກລັດຖະມົນຕີ ຟ້າມມິງຈິງ ໄດ້ສະເໜີໃຫ້ ໂຄງການຟື້ນຟູ ແລະ ພັດທະນາເສດຖະກິດ ສັງຄົມ ຄວນສຸມໃສ່ ຕໍ່ບາງບັນຫາຈຸດສຸມກ່ຽວກັບ: ບັນດາໜ້າທີ່ມາດຕະການກ່ຽວກັບການແພດ ເປັນຕົ້ນແມ່ນ ການຍົກສູງກຳລັງຄວາມສາມາດດ້ານສາທາລະນະສຸກເວົ້າລວມ, ໃນນັ້ນພິເສດແມ່ນເອົາໃຈໃສ່ຕໍ່ການແພດປ້ອງກັນ, ການແພດຂັ້ນຮາກຖານ, ວັກຊິນ ແລະ ມາດຕະການປິ່ນປົວ, ການຮັບປະກັນຊີວິດສັງຄົມ.

ທ່ານນາຍົກລັດຖະມົນຕີ ໄດ້ສະເໜີໃຫ້ອົງການຮັບຜິດຊອບ ສືບຕໍ່ປຶກສາຫາລືຄຳເຫັນຂອງ ອົງການທີ່ກ່ຽວຂ້ອງ ກ່ຽວກັບຮ່າງໂຄງການຟື້ນຟູ ແລະ ພັດທະນາເສດຖະກິດ ສັງຄົມຍື່ນສະເໜີຕໍ່ຂັ້ນທີ່ມີສິດອຳນາດໂດຍໄວເທົ່າທີ່ຈະເຮັດໄດ້, ພິເສດແມ່ນເອົາໃຈໃສ່ຮັບປະກັນລັກສະນະທີ່ມີປະສິດທິຜົນ, ຄວາມເປັນໄປໄດ້, ສ້າງຄວາມເຫັນດີເຫັນພ້ອມຢູ່ລະດັບສູງ.