(VOVWORLD) - ຕອນບ່າຍວັນທີ 8 ທັນວາ, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ປະທານອະນຸກຳມະການເສດຖະກິດ-ສັງຄົມ ກອງປະຊຸມໃຫ່ຍ XIV ໄດ້ເປັນເປັນປະທານວາລະປະຊຸມຄັ້ງປະຖົມມະເລິກ ອະນຸກຳມະການເສດຖະກິດ-ສັງຄົມ ກອງປະຊຸມໃຫ່ຍ XIV.
(ພາບ: VOV)
|
ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຟ້າມມິນຈິງ ຊີ້ແຈ້ງວ່າ ໜ້າທີ່ຂອງອະນຸກຳມະການ ແມ່ນສ້າງບົດລາຍງານ 5 ປີແຫ່ງການປະຕິບັດຍຸດທະສາດພັດທະນາເສດຖະກິດ ສັງຄົມໃນໄລຍະ 10 ປີ (2021-2030) ສຳເລັດ; ສ້າງແຜນການພັດທະນາເສດຖະກິດ ສັງຄົມໃນໄລຍະ 5 ປີ ໄລຍະ 2026-2030 ເພື່ອຍື່ນສະເໜີກອງປະຊຸມໃຫ່ຍຄັ້ງທີ XIV ຂອງພັກ. ໃນນັ້ນ, ເນື້ອໃນ, ຄຸນນະພາບ ແລະ ຮູບການລາຍງານ ຕ້ອງຕິດພັນກັບໂຄງການສ້າງສາປະເທດຊາດ ໃນໄລຍະຂ້າມຜ່ານຂຶ້ນສູ່ສັງຄົມນິຍົມ; ຍຸດທະສາດພັດທະນາເສດຖະກິດ ສັງຄົມໃນໄລຍະ 2021-2030, ວິໄສທັດຮອດປີ 2045. ຕີລາຄາສະພາບການຕ້ອງພາວະວິໄສ, ຖືກຕ້ອງ, ຕິດພັນກັບຕົວຈິງ, ຊີ້ອອກບັນດາສາຍເຫດ ແລະ ບົດຮຽນ; ຄາດຄະເນ, ເຫັນໄດ້ບັນດາຈຸດພິເສດ, ໂອກາດ, ສິ່ງທ້າທາຍ; ຍົກອອກທັດສະນະ, ເປົ້າໝາຍ, ການກຳນົດທິດ, ໜ້າທີ່, ມາດຕະການໃນໄລຍະຈະມາເຖິງ ສອດຄ່ອງກັບສະພາບການຢູ່ພາຍໃນ ແລະ ຕ່າງປະເທດ. ບັນດາທັດສະນະ, ການກຳນົດທິດ, ບຸກທະລຸ ແລະ ໜ້າທີ່, ມາດຕະການ ຕ້ອງຕິດພັນກັບສະພາບຕົວຈິງ; ທັງສືບທອດ, ເສີມຂະຫຍາຍບັນດາຜົນງານຂອງເກືອບ 40 ປີແຫ່ງການປ່ຽນແປງໃໝ່, ທັງຕ້ອງເພີ່ມເຕີ່ມ, ພັດທະນາ, ຮັບປະກັນໃຫ້ເໝາະສົມກັບທ່າອ່ຽງເຄື່ອນເໜັງຢູ່ພາຍໃນ ແລະ ຕ່າງປະເທດ.