ທ່ານນາຍົກລົດຖະມົນຕີ ຫງວຽນຊວັນຟຸກ ກ່າວຄຳເຫັນທີ່ການເຮັດວຽກ

ນີ້ແມ່ນຄັ້ງທີ 2 ໃນອາຍຸການ ທີ່ທ່ານນາຍົກລົດຖະມົນຕີ ຫງວຽນຊວັນຟຸກ ໄດ້ມາຢ້ຽມຢາມ ແລະ ເຮັດວຽກກັບ VOV, ຊຶ່ງສະແດງໃຫ້ເຫັນຄວາມເອົາໃຈໃສ່ຂອງ ທ່ານນາຍົກລັດຖະມົນຕີ ແລະ ລັດຖະບານທີ່ມີຕໍ່ການພັດທະນາຂອງ VOV ດ້ວຍປະຫວັດການພັດທະນາມາເປັນເວລາ 75 ປີ.

ລາຍງານຕໍ່ທ່ານນາຍົກລັດຖະມົນຕີ ທີ່ການເຮັດວຽກ, ທ່ານ ຫງວຽນເທ໊ກີ ຜູ້ອຳນວຍການໃຫຍ່ VOV ໃຫ້ຮູ້ວ່າ VOV ພວມສ້າງຍຸດທະສາດພັດທະນາກາຍເປັນອົງການສື່ມວນຊົນແຫ່ງຊາດແຖວໜ້າ, ການເຄື່ອນໄຫວສື່ມວນຊົນຫຼາຍປະເພດ, ຫຼາຍພາສາ, ຫຼາຍພື້ນຖານ, ເສີມຂະຫຍາຍບົດບາດເປັນອົງການສື່ມວນຊົນແຫ່ງຊາດທັນສະໄໝ, ມີ ມະຫາຊົນເປັນຈຳນວນຫຼວງຫຼາຍ, ແມ່ນເຄື່ອງມືດ້ານສື່ມວນຊົນທີ່ມີປະສິດທິຜົນຂອງພັກ - ລັດຖະບານ. ຍຸດທະສາດພັດທະນາ VOV ນັບແຕ່ປັດຈຸບັນໄປຮອດປີ 2025 ແລະ ຊຸມປີຕໍ່ໄປ ແມ່ນ ສຸມໃສ່ການປ່ຽນແປງໃໝ່ເນື້ອໃນ, ຮູບແບບ, ຂໍ້ມູນຂ່າວສານ, ການນຳໃຊ້ເຕັກນິກ ແລະ ເຕັກໂນໂລຢີທີ່ທັນສະໄໝ...ຢ່າງແຮງ. ກ່ຽວກັບໜ້າທີ່ໂຄສະນາເຜີຍແຜ່ໃນປີທີ່ຜ່ານມາ, VOV ໄດ້ໂຄສະນາເຜີຍແຜ່ບັນດາບັນຫາສະຖະນາການດ້ານການເມືອງ, ເສດຖະກິດ, ສັງຄົມ, ການທູດຢ່າງຮອບດ້ານ, ຊັດເຈນ, ແຫຼມຄົມ ແລະ ທັນການ, ຢັ້ງຢືນໄດ້ ບົດບາດເປັນອົງການສື່ມວນຊົນແຖວໜ້າແຫ່ງຊາດ.

        ກ່າວຄຳເຫັນທີ່ການເຮັດວຽກ. ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ຮູ້ວ່າ:

        ນີ້ແມ່ນພາຫະນະສື່ມວນຊົນຕົ້ນຕໍເພື່ອ ໃຫ້ພັກ, ລັດ ແລະ ປະຊາຊົນມີຂໍ້ມູນຂ່າວສານ, ມີຄວາມຮັບຮູ້, ເຂົ້າໃຈຢ່າງຖືກຕ້ອງກ່ຽວກັບພັກ ແລະ ລັດ. 75 ປີທີ່ຜ່ານມາ, VOV ໄດ້ເປັນຂົວເຊື່ອມຕໍ່ໃນການຖ່າຍທອດບັນດາຄຸນຄ່າດ້ານຈິດໃຈ, ວັດທະນະທຳຂອງ ຊາວ ຫວຽດນາມອອກສູ່ໂລກ, ແລະ ເພື່ອນມິດສາກົນ ສຳລັບ ຫວຽດນາມ, ປະຕິເສດບັນດາຂໍ້ມູນຂ່າວທີ່ບໍ່ມີມູນຄວາມຈິງ, ປະກອບສ່ວນປັບປຸງຄວາມໄວ້ເນື້ອເຊື່ອໃຈຂອງ ປະຊາຊົນດ້ວຍ 3 ເສົາຄ້ຳ: ເຊື່ອໝັ້ນຕໍ່ການນຳພາຂອງ ພັກ, ລັດຖະບານ, ເຊື່ອໝັ້ນຕໍ່ອະນາຄົດຂອງ ປະເທດຊາດ ແລະ ເຮັດໃຫ້ປະຊາຊົນມີຄວາມເຊື່ອໝັ້ນ ແລະ ຮັກຫອມການດຳລົງໃນຊີວິດ.