ທ່ານປະທານປະເທດຫວຽດນາມຢ້ຽມຢາມແລະເຮັດວຽກຢູ່ແຂວງກວ້າງຈີ້
ທ່ານປະທານປະເທດເຈືອງເຕີນຊາງມອບຂອງຂວັນໃຫ້ແກ່
ປະຊາຊົນແຂວງ ກວ໋າງຈີ້.
|
(vovworld) - ວັນທີ 7 ແລະ 8/9, ທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ໄປຢ້ຽມຢາມ ແລະ ເຮັດວຽກຢູ່ແຂວງ ກວ໋າງຈີ້ ກ່ຽວກັບສະພາບການພັດທະນາເສດຖະກິດສັງຄົມ, ຮັບປະກັນການປ້ອງກັນຊາດປ້ອງກັນຄວາມສະຫງົບໃນບໍລິເວນແຂວງ. ເມື່ອເຮັດວຽກກັບການນຳແຂວງ ກວ໋າງຈີ້, ທ່ານປະທານປະເທດ ສະເຫນີ ການນຳຫລັກແຫລ່ງຂອງແຂວງ ກວ໋າງຈີ້ ຄວນຊອກມາດຕະການຂຸດຄົ້ນທ່າແຮງກ່ຽວກັບກະສິກຳ, ອຸດສາຫະກຳປຸງແຕ່ງ, ການຄ້າ ແລະ ທ່ອງທ່ຽວ ເພື່ອນຳແຂວງ ກວ໋າງຈີ້ ພັດທະນາຢ່າງແຮງກວ່າ ປະກອບສ່ວນຍົກສູງຊີວິດການເປັນຢູ່ຂອງປະຊາຊົນ. ທ່ານປະທານປະເທດຖືວ່າ:
“ຂ້າພະເຈົ້າເຫັນວ່າ ແຂວງ ກວ໋າງຈີ້ ແມ່ນຫນຶ່ງໃນບັນດາທ້ອງຖິ່ນມີຈຸດພົ້ນເດັ່ນກ່ຽວກັບການກໍ່ສ້າງຊົນນະບົດໃຫມ່. ຜ່ານນັ້ນ ປະກອບສ່ວນລົບລ້າງຄວາມອຶດຫິວຫລຸດຜ່ອນຄວາມທຸກຍາກ, ຍົກສູງຊີວິດການເປັນຢູ່ຂອງປະຊາຊົນ, ຄວນເສີມຂະຫຍາຍກວ່າອີກ. ຖ້າປະຕິບັດໄດ້ດີ ຊີວິດການເປັນຢູ່ຂອງພໍ່ແມ່ຊາວກະສິກອນ ຈະໄດ້ຮັບການປັບປຸງດີຂຶ້ນ.”
ເນື່ອງໃນໂອກາດບຸນວັນເພັງເດືອນ 8, ທ່ານປະທານປະເທດ ເຈືອງເຕີນຊາງ ໄດ້ມອບຂອງຂວັນໃຫ້ພວກຫລານເຍົາວະຊົນ, ອະນຸຊົນ ທີ່ປະສົບກັບຄວາມຫຍຸ້ງຍາກຂອງແຂວງ ກວ໋າງຈີ້.