ທ່ານປະທານປະເທດ ຫວຽດນາມ ເຈີ່ນດ້າຍກວາງ
ພົບປະກັບວິສາຫະກິດດີເດັ່ນ ທີ່ພວມລົງທຶນຢູ່ ກຳປູເຈຍ
(ພາບ: TTXVN)
(vovworld) - ຕອນບ່າຍວັນທີ 16/06, ທ່ານປະທານປະເທດ ຫວຽດນາມ ເຈີ່ນດ້າຍກວາງ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງ ຫວຽດນາມ ກັບມາຮອດ ຮ່າໂນ້ຍ, ສິ້ນສຸດການຢ້ຽມຢາມທາງລັດຖະກິດເຖິງ ກຳປູເຈຍ ໃນລະຫວ່າງວັນທີ 15 – 16/06. ກ່ອນທີ່ເດີນທາງອອກຈາກ ພະນົມເປັນ ທ່ານປະທານປະເທດ ເຈີ່ນດ້າຍກວາງ ໄດ້ພົບປະກັບວິສາຫະກິດດີເດັ່ນ ຫວຽດນາມ ທີ່ພວມລົງທຶນຢູ່ ກຳປູເຈຍ. ກ່າວຄຳເຫັນທີ່ການພົບປະ ທ່ານປະທານປະເທດ ເຈີ່ນດ້າຍກວາງ ຊີ້ແຈ້ງບັນດາໝາກຜົນຊຶ່ງປະຊາຄົມວິສາຫະກິດ ຫວຽດນາມ ບັນລຸໄດ້ເມື່ອເຂົ້າຮ່ວມການລົງທຶນຢູ່ ກຳປູເຈຍ ໄດ້ປະກອບສ່ວນຊຸກຍູ້ພັດທະນາເສດຖະກິດ ເພີ່ມລາຍຮັບງົບປະມານ ສ້າງວຽກເຮັດງານທຳໃຫ້ປະຊາຊົນ ກຳປູເຈຍ ແລະ ປະກອບສ່ວນຢ່າງຕັ້ງໜ້າ ເຂົ້າໃນການພັດທະນາເສດຖະກິດຂອງ ກຳປູເຈຍ. ຜ່ານນັ້ນ ປະກອບສວ່ນເພີ່ມທະວີການພົວພັນຮ່ວມມືຮອບດ້ານລະຫວ່າງ 2 ປະເທດ. ທ່ານປະທານປະເທດຢືນຢັນວ່າ: ພັກ, ລັດ ແລະ ລັດຖະບານ ຈະສືບຕໍ່ຄົ້ນຄວ້າ, ວາງອອກບັນດາຍຸດທະສາດ ແລະ ມາດຕະການກ່ຽວກັບການລົງທຶນອັນຍາວນານ ແລະ ເປັນປົກກະຕິຢູ່ ກຳປູເຈຍ ຢ່າງມີປະສິດທິຜົນ, ສົ່ງເສີມໜູນຊ່ວຍບັນດາວິສາຫະກິດ ຫວຽດນາມ ລົງທຶນເຂົ້າ ກຳປູເຈຍ ຕາມຫຼັກການສະເໝີພາບ, ຕ່າງຝ່າຍຕ່າງມີຜົນປະໂຫຍດ, ປະກອບສ່ວນເພີ່ມພູນຄູນສ້າງໃຫ້ສາຍພົວພັນມິດຕະພາບລະຫວ່າງ 2 ປະເທດ ແລະ ປະຊາຊົນ 2 ປະເທດ ຫວຽດນາມ - ກຳປູເຈຍ. ທ່ານປະທານປະເທດຊີ້ແຈ້ງວ່າ:
“ບັນດາວິສາຫະກິດໄດ້ພະຍາຍາມເສີມຂະຫຍາຍຄວາມສາມາດຢ່າງບໍ່ຢຸດຢັ້ງ, ຍາດແຍ່ງ ກາລະໂອກາດຢ່າງບໍ່ຢຸດຢັ້ງ ເພື່ອຜັນຂະຫຍາຍບັນດາໂຄງການລົງທຶນຢູ່ ກຳປູເຈຍ ຢ່າງສຳເລັດຜົນ ແລະ ມີປະສິດທິຜົນ. ນີ້ແມ່ນຕະຫລາດຍັງມີຄວາມຫຍຸ້ງຍາກຫລາຍຢ່າງ, ຊ້ຳບໍ່ໜຳມີຄວາມສ່ຽງສູງ ບັນດາຮົ້ວກີດຂວາງກ່ຽວກັບລະບຽບ ການອອກໜັງສືອະນຸຍາດລົງທຶນ, ທີ່ດິນ... ແຕ່ບັນດານັກລົງທຶນ ຫວຽດນາມ ຍັງຄົງດຳເນີນທຸລະກິດມີປະສິດທິຜົນ, ມີຄວາມມານະພະຍາຍາມໃຫຍ່ຫລວງ, ສະແດງຄວາມກ້າຫານໃນການຜະລິດດຳເນີີນທຸລະກິດ, ການລົງທຶນ; ຜ່ານນັ້ນ ປະກອບສ່ວນຢືນຢັນການລົງທຶນເຂົ້າຕະຫລາດ ກຳປູເຈຍ ແມ່ນມີປະສິດທິຜົນ ແລະ ຄວນສືບຕໍ່ສູ້ຊົນ. ໝາກຜົນດັ່ງກ່າວກໍ່ເໝາະສົມກັບຄວາມມຸ່ງມາດປາດຖະໜາຂອງທັງ ຫວຽດນາມ ແລະ ກຳປູເຈຍ. ”
ທ່ານປະທານປະເທດ ເຈີ່ນດ້າຍກວາງ ກໍ່ສະເໜີບັນດາວິສາຫະກິດມານະພະຍາຍາມກ່ວາອີກ, ຍົກສູງຄຸນນະພາບປະສິດທິຜົນຂອງການເຄື່ອນໄຫວລົງທຶນຢູ່ ກຳປູເຈຍ; ປະຕິບັດຕາມບັນດາຂໍ້ກຳນົດກົດໝາຍ ກຳປູເຈຍ, ເຄົາລົບຮີດຄອງປະເພນີຂອງປະຊາຊົນ ກຳປູເຈຍ ຕັ້ງໜ້າປະກອບສ່ວນເຂົ້າວຽກງານຮັບປະກັນຊີວິດສັງຄົມຢູ່ເຂດລົງທຶນ, ປະກອບສວ່ນແທດຈິງໃຫ້ການປັບປູງ ແລະ ເພີ່ມທະວີການພົວພັນມິດຕະພາບທີ່ເປັນມູນເຊື້ອ. ການຮ່ວມມືຮອບດ້ານລະຫວ່າງ ຫວຽດນາມ ແລະ ກຳປູເຈຍ