ທ່ານປະທານປະເທດເຈືອງເຕິ໋ນຊາງໃຫ້ການຕ້ອນຮັບປະທານສະພາແຫ່ງຊາດສເກົາຫຼີ
ທ່ານປະທານປະເທດເຈືອງເຕິ໋ນຊາງໃຫ້ການຕ້ອນຮັບ
ປະທານສະພາແຫ່ງຊາດສເກົາຫຼີ
ພາບ: Nguyễn Khang - TTXVN
|
(vovworld) - ຕອນບ່າຍວັນທີ 19/3, ທ່ານປະທານປະເທດ ເຈືອງເຕິ໋ນຊາງ ໄດ້ໃຫ້ການຕ້ອນຮັບປະທານສະພາແຫ່ງຊາດ ສເກົາຫຼີ Chung Ui-Hwa ທີ່ພວມຢ້ຽມຢາມມິດຕະພາບຫວຽດນາມ ຢ່າງເປັນທາງການ. ທີ່ການຕ້ອນຮັບ, ທ່ານປະທານປະເທດ ເຈືອງເຕິ໋ນຊາງ ຢືນຢັນວ່າ, ໃນຕະຫຼອດ 22 ປີ ແຫ່ງການສ້າງຕັ້ງການພົວພັນທາງການທູດ, ຫວຽດນາມ ຖືເປັນສຳຄັນການພົວພັນຮ່ວມມືກັບ ສເກົາຫຼີ, ໃນນັ້ນມີການຮ່ວມມືລະຫວ່າງສະພາແຫ່ງຊາດສອງປະເທດ. ທ່ານປະທານປະເທດຫວັງວ່າ, ໂດຍຜ່ານບົດບາດສະພາແຫ່ງຊາດ, ລັດຖະສະພາ, ບັນດາສະມາຊິກສະພາແຫ່ງຊາດ ຈະປະກອບສ່ວນຊຸກຍູ້ການພົວພັນສອງຝ່າຍໃນທຸກຂົງເຂດ, ພ້ອມທັງມີການປະກອບສ່ວນຢ່າງຕັ້ງໜ້າເຂົ້າກອງປະຊຸມໃຫຍ່ສະຫະພັນລັດຖະສະພາສາກົນຄັ້ງທີ 132 (IPU) ເຊິ່ງຈະດຳເນີນແຕ່ວັນທີ 28/3-1/4 ຢູ່ຮ່າໂນ້ຍ.
ທ່ານປະທານປະເທດຕີລາຄາສູງການປະກອບສ່ວນຕ່າງໆຂອງ ສເກົາຫຼີ ທີ່ມີຕໍ່ຫວຽດນາມ ໃນຫຼາຍຂົງເຂັດ, ເຊັ່ນ: ແຮງງານ, ການລົງທຶນ… ບັນດາກຸ່ມບໍລິສັດໃຫຍ່ເກືອບທັງໝົດຂອງ ສເກົາຫຼີ ລ້ວນແຕ່ມີໜ້າ ແລະ ເຄື່ອນໄຫວດຳເນີນທຸລະກິດຢ່າງມີປະສິດທິຜົນຢູ່ຫວຽດນາມ. ສອງຝ່າຍຍາມໃດກໍ່ສະໜັບສະໜູນເຊິ່ງກັນ ແລະ ກັນໃນເວທີປາໄສພາກພື້ນ ແລະ ສາກົນ.
ສ່ວນທ່ານປະທານສະພາແຫ່ງຊາດ ສເກົາຫຼີ Chung Ui-Hwa ກໍ່ຢືນຢັນວ່າ, ບັນດາຜົນງານທີ່ບັນລຸໄດ້ນັ້ນຈະປະກອບສ່ວນຍົກສູງການພົວພັນລະຫວ່າງສະພາແຫ່ງຊາດ ກໍ່ຄືການພົວພັນຍຸດທະສາດລະຫວ່າງສອງປະເທດກວ່າອີກ.