ທ່ານປະທານປະເທດເຈືອງເຕີນຊາງອວຍພອນບຸນເຕັດ
ບັນດາຄອບຄົວໃນເປົ້າໝາຍນະໂຍບາຍ
ພາບ:vov
|
(vovworld)- ວັນທີ 13/2, ທ່ານປະທານປະເທດເຈືອງເຕີນຊາງ ພ້ອມກັບຄະນະປະຕິບັດງານໄດ້ໄປອວຍພອນບຸນເຕັດຢູ່ຕາແສງ ຢາຍຟ້າມ, ເມືອງ ອຽນໝີ ແຂວງ ຮືງອຽນ. ທ່ານປະທານປະເທດ ປາດຖະຫນາວ່າ ອົງຄະນະພັກ, ອຳນາດການປົກຄອງ ແລະ ພໍ່ແມ່ປະຊາຊົນ ສືບຕໍ່ເສີມຂະຫຍາຍໝາກຜົນທີ່ບັນລຸໄດ້, ນຳຕາແສງກາຍເປັນຕາແສງຊົນນະບົດໃຫມ່ ປະກອບສ່ວນຍົກສູງຊີວິດການເປັນຢູ່ທາງດ້ານວັດຖຸ ແລະ ຈິດໃຈໃຫ້ແກ່ພໍ່ແມ່ປະຊາຊົນ. ທ່ານປະທານປະເທດ ເຈືອງເຕີນຊາງ ສະເຫນີແຂວງ ຮືງອຽນ ຄວນເອົາໃຈໃສ່ເບິ່ງແຍງດູແລເພື່ອໃຫ້ທຸກຄົນ, ທຸກຄອບຄົວໄດ້ຕ້ອນຮັບບຸນເຕັດຢ່າງອົບອຸ່ນ, ເປັນຕົ້ນແມ່ນຄອບຄົວໃນເປົ້າໝາຍນະໂຍບາຍ, ຜູ້ມີຄຸນງາມຄວາມດີ, ຄອບຄົວທຸກຍາກ, ພະນັກງານ ນັກຮົບພວມປະຕິບັດຫນ້າທີ່ໃນໂອກາດບຸນເຕັດ. ຢູ່ຕາແສງ ຢາຍຟ້າມ, ທ່ານປະທານປະເທດ ເຈືອງເຕີນຊາງ ໄດ້ຖະຫວາຍທູບທຽນຢູ່ຫໍອາໄລຫາທ່ານເລຂາທິການໃຫຍ່ ຫງວຽນວັນລີງ ຊື່ງແມ່ນຫນຶ່ງໃນບັນດາລູກສິດດີເດັ່ນຂອງປະທານໂຮ່ຈິມີນ.