ທ່ານລັດຖະມົນຕີການຕ່າງປະເທດ ຈີນ ຫວາງອີ ກັບຄູ່ຕຳແໜ່ງ ລັດເຊຍ Sergey Lavrov (ພາບ: ກະຊວງການຕ່າງປະເທດ ຈີນ)

ກ່າວຄຳເຫັນທີ່ການພົບປະເຈລະຈາ, ທ່ານລັດຖະມົນຕີການຕ່າງປະເທດ ຈີນ ຫວາງອີ່ ຢັ້ງຢືນວ່າ ປັກກິ່ງ ພ້ອມແລ້ວທີ່ຈະຮ່ວມມືກັບມົດສະກູ ເຮັດໃຫ້ການພົວພັນມິດຕະພາບ ແລະ ການຮ່ວມມືຍຸດທະສາດຮອບດ້ານເລິກເຊິ່ງກວ່າອີກ, ຍົກສູງຄວາມຍຸຕິທຳສາກົນ ແລະ ນຳມາເຊິ່ງຜົນປະໂຫຍດໃຫ້ແກ່ປະຊາຊົນຫຼາຍກວ່າອີກ. ທ່ານຮຽກຮ້ອງໃຫ້ສອງຝ່າຍ ສ້າງຄວາມເຫັນດີເຫັນພ້ອມໃນບັ້ນປ້ອງກັນຕ້ານໂລກລະບາດ, ຮັບປະກັນການແລກປ່ຽນການຄ້າ ແລະ ພົບປະແລກປ່ຽນປະຊາຊົນຢ່າງເປັນປົກກະຕິ, ກໍຄືຊຸກຍູ້ຄວາມສະຖຽນລະພາບ ແລະ ພັດທະນາການຮ່ວມມືທີ່ແທດຈິງຂອງສອງຝ່າຍ.

ສ່ວນທ່ານ ລັດຖະມົນຕີການຕ່າງປະເທດ ລັດເຊຍ Sergey Lavrov ກໍຢັ້ງຢືນຢ່າງແຮງສາຍພົວພັນລະຫວ່າງ ລັດເຊຍ ແລະ ຈີນ ຈະບໍ່ຖືກຜົນສະທ້ອນຍ້ອນບັນດາປັດໄຈທາງດ້ານການເມືອງ ແລະ ບໍໍ່ແນໃສ່ຕ້ານຄືນບໍ່ວ່າປະເທດທີສາມໃດໆ.

ກໍໃນການເຈລະຈາ, ສອງຝ່າຍໄດ້ເຫັນດີເປັນເອກະພາບ ຍູ້ແຮງການຮ່ວມມືໃນຂົງເຂດພະລັງງານ, ສົມທົບທັດສະນະໃນບັນດາບັນຫາພາກພື້ນ ທີ່ຕ່າງຝ່າຍຕ່າງມີຄວາມສົນໃຈ, ໃນນັ້ນ ມີສະພາບການຢູ່ ຢູແກຼນ, ອາບການິດສະຖານ ແລະ ແຫຼມເກົາຫຼີ.