(VOVWORLD) - ຕອນບ່າຍວັນທີ 20 ມັງກອນ, ຢູ່ທຳນຽບປະທານປະເທດ, ທ່ານປະທານປະເທດຫວຽດນາມ ຫງວຽນຊວັນຟຸກ ໄດ້ຕ້ອນຮັບທ່ານນາງ Dato Sharifah Norhana Syed Mustaffa ເອກອັກຄະລັດຖະທູດ ມາເລເຊຍ ປະຈຳ ຫວຽດນາມ ເຂົ້າຢ້ຽມອຳລາ, ສິ້ນສຸດອາຍຸການປະຕິບັດງານທາງການທູດຢູ່ ຫວຽດນາມ.
 ທ່ານປະທານປະເທດຫວຽດນາມ ຫງວຽນຊວັນຟຸກ ໄດ້ຕ້ອນຮັບທ່ານນາງ Dato Sharifah Norhana Syed Mustaffa ເອກອັກຄະລັດຖະທູດ ມາເລເຊຍ ປະຈຳ ຫວຽດນາມ (ພາບ: TTXVN) |
ທີ່ການຕ້ອນຮັບ, ທ່ານປະທານປະເທດ ຫງວຽນຊວັນຟຸກ ຊົມເຊີຍທ່ານນາງ Dato Sharifah Norhana Syed Mustaffa ທີ່ໄດ້ປະຕິບັດສຳເລັດອາຍຸການປະຕິບັດງານຢູ່ ຫວຽດນາມ ໄດ້ເປັນຢ່າງດີ ແລະ ຕີລາຄາສູງຕໍ່ການປະກອບສ່ວນຢ່າງໜ້າຕັ້ງຂອງທ່ານນາງໃນການຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດໃນໄລຍະຜ່ານມາ.
ກ່ຽວກັບບັນຫາທະເລຕາເວັນອອກ, ທ່ານປະທານປະເທດ ຫວຽດນາມ ສະເໜີໃຫ້ສອງຝ່າຍສືບຕໍ່ສົມທົບກັນຢ່າງແໜ້ນແຟ້ນກວ່າອີກ, ພ້ອມກັບບັນດາປະເທດ ອາຊຽນ ອື່ນຮັກສາຄວາມສາມັກຄີ ແລະ ທັດສະນະລວມ, ບົດບາດໃຈກາງ, ຮັບປະກັນສັນຕິພາບ, ຄວາມໝັ້ນຄົງ, ສະຖຽນລະພາບຢູ່ທະເລຕາເວັນອອກ: ຊຸກຍູ້ການປະຕິບັດ DOC, ດຳເນີນການເຈລະຈາເພື່ອແນໃສ່ບັນລຸໄດ້ຖະແຫຼງການ COC ຢ່າງມີປະສິດທິພາບ, ປະສິດທິຜົນ, ແທດຈິງ, ສອດຄ່ອງກັບກົດໝາຍສາກົນ, ໃນນັ້ນມີ UNCLOS 1982.
ສ່ວນທ່ານນາງເອກອັກຄະລັດຖະທູດ Dato Sharifah Norhana Syed Mustaffa ສະແດງຄວາມປິຕິຊົມຊື່ນ ເມື່ອປະຕິບັດສຳເລັດໜ້າທີ່ຂອງຕົນຢູ່ ຫວຽດນາມ. ທ່ານນາງເອກອັກຄະລັດຖະທູດ ຫວັງວ່າ ສອງປະເທດຈະຊຸກຍູ້ການພົວພັນຮ່ວມມືລະຫວ່າງສອງຝ່າຍໃຫ້ຂຶ້ນສູ່ລະດັບສູງໃໝ່, ໂດຍສະເພາະແມ່ນດ້ານການຄ້າ ແລະ ການລົງທຶນ.