ທ່ານປະທານປະເທດເຈືອງເຕິ໋ນຊາງພົບປະກັບບັນດາຄູອາຈານທີ່ດີເດັ່ນ
(ພາບ: ອິນເຕີແນດ)
(vovworld) – ວັນທີ 16/11, ຢູ່ສຳນັກງານປະທານປະເທດ, ທ່ານປະທານປະເທດເຈືອງເຕິ໋ນຊາງ ພົບປະກັບບັນດາຄູອາຈານດີເດັ່ນ 104 ຄົນ ທີ່ເຂົ້າຮ່ວມພິທີຍ້ອງຍໍບັນດາຄູອາຈານດີເດັ່ນໃນທົ່ວປະເທດປີ 2008-2013, ໂດຍກະຊວງສຶກສາ - ບຳລຸງສ້າງຈັດຕັ້ງ, ເນື່ອງໃນໂອກາດສະເຫຼີມສະຫຼອງວັນຄູຫວຽດນາມ 20/11. ທ່ານປະທານປະເທດເຈືອງເຕິ໋ນຊາງ ຕີລາຄາສູງຜົນງານໃນການປະຕິບັດສຳເລັດການສຶກສາຊັ້ນປະຖົມ, ແລະ ມັດທະຍົມຕອນຕົ້ນພາກບັງຄັບ, ຍົກສູງຄຸນນະພາບການບຳລຸງສ້າງຊັບພະຍາກອນມະນຸດຢູ່ຊັ້ນມະຫາວິທະຍາໄລຂອງຂະແໜງສຶກສາ. ທ່ານປະທານເນັ້ນໜັກວ່າ ເພື່ອປະຕິບັດສຳເລັດຄາດໝາຍຫັນເປັນປະເທດອຸດສາຫະກຳ ແລະ ທັນສະໄໝ, ນອກຈາກແນວທາງທີ່ຖືກຕ້ອງ, ຈຳເປັນຕ້ອງມີພື້ນຖານການສຶກສາທີ່ເໝາະສົມ ດ້ວຍຈຸດປະສົງທີ່ສູງສົ່ງ. ດັ່ງນັ້ນ, ພັກ, ລັດ ໄດ້ກໍ່ສ້າງແຜນຮ່າງປ່ຽນໃໝ່ການສຶກສາໂດຍພື້ນຖານແລະ ຮອບດ້ານ ເພື່ອສ້າງການຫັນປ່ຽນຢ່າງຕັ້ງໜ້າ, ຊຸກຍູ້ພາລະກິດຫັນເປັນປະເທດອຸດສາຫະກຳ ແລະ ທັນສະໄໝ. ທ່ານປະທານກໍ່ໄດ້ສະເໜີບັນດາຄູອາຈານສືບຕໍ່ເສີມຂະຫຍາຍມູນເຊື້ອ, ເພື່ອບັນລຸໄດ້ບັນດາຜົນງານສູງກວ່າອີກໃນພາລະກິດສຶກສາ ແລະ ບຳລຸງສ້າງ, ຕອບສະໜອງຄວາມປາຖະໜາຂອງທົ່ວພັກ, ທົ່ວປວງຊົນ.