ທ່ານປະທານາທິບໍດີ ລັດເຊຍ ພົບປະກັບຜູ້ຕາງໜ້າອົງການສື່ມວນຊົນບັນດາປະເທດ BRICS
(VOVWORLD) - ວັນທີ 18 ຕຸລາ, ຢູ່ນະຄອນຫຼວງ ມົດສະກູ, ສະຫະພັນ ລັດເຊຍ, ທ່ານປະທານາທິບໍດີ ລັດເຊຍ Vladimir Putin ໄດ້ມີການພົບປະ ແລະ ຕອບຄຳຖາມຂອງຜູ້ຕາງໜ້າບັນດາອົງການສື່ມວນຊົນແຖວໜ້າບັນດາປະເທດ BRICS. ການພົບປະໄດ້ດຳເນີນໃນຂະນະທີ່ຍັງອີກ 2 – 3 ມື້ກໍຈະຮອດກອງປະຊຸມສຸດຍອດ BRICS ຊຶ່ງຈະດຳເນີນຢ່າງເປັນທາງການໃນນະຄອນ Kazan, ສະຫະພັນ ລັດເຊຍ.
 ທ່ານປະທານາທິບໍດີ ລັດເຊຍ Vladimir Putin (ພາບ: TASS) |
ໃນຕອນທຳອິດທີ່ການພົບປະ, ທ່ານປະທານາທິບໍດີ Vladimir Putin ໃຫ້ຮູ້ວ່າ ບັນດາປະເທດ BRICS, ລວມທັງ: ບຣາຊິນ, ລັດເຊຍ, ອິນເດຍ, ຈີນ, ອາຟະລິກາໃຕ້, ອີຢິບ, ເອທີໂອປີ, ອີຣານ, ອາຣັບບິ ຊະອຸດິ ແລະ ສະຫະລັດ ອາຣັບ ເອມມີເລດ, ປັດຈຸບັນ ກວມເອົາ 33% ເນື້ອທີ່ດິນທັງໝົດ ແລະ 45% ຈຳນວນປະຊາກອນໂລກ, ວົງເງິນການຄ້າໃນກຸ່ມ ສືບຕໍ່ເພີ່ມຂຶ້ນສຸງ. ທ່ານປະທານາທິບໍດີ ລັດເຊຍ ໄດ້ຢັ້ງຢືນເຖິງກຳລັງບົ່ມຊ້ອນພັດທະນາເສດຖະກິດຂອງບັນດາປະເທດ BRICS.
ເມື່ອຕອບຄຳຖາມທີ່ກ່ຽວຂ້ອງເຖິງການປະທະກັນລະຫວ່າງ ລັດເຊຍ - ຢູແກຼນ, ທ່ານປະທານາທິບໍດີ Putin ຊີ້ແຈ້ງວ່າ ລັດເຊຍ ພ້ອມແລ້ວທີ່ຈະເຈລະຈາກັບ ຢູແກູນ. ສະຖານທີ່ເຈລະຈາຄັ້ງນີ້ ອາດຈະຈັດຢູ່ ອາຣັບບິ ຊະອຸດິ. ກ່ຽວຂ້ອງເຖິງເລື່ອງ ທ່ານປະທານາທິບໍດີ ຢູແກຼນ Volodymyr Zelensky ສະເໜີຢາກມີອາວຸດນິວເຄຼຍ, ທ່ານປະທານາທິບໍດີ ລັດເຊຍ ຢັ້ງຢືນວ່າ ແນ່ນອນວ່າ ລັດເຊຍ ບໍ່ຍອມຮັບສິ່ງດັ່ງກ່າວ. ເລື່ອງສິ້ນສຸດການປະທະກັນຂຶ້ນກັບຝ່າຍ ຢູແກຼນ, ບັນດາບັນຫາຄວນຕ້ອງແກ້ໄຂໃນໂຕະເຈລະຈາ.
ທູຮ່າ, ນັກຂ່າວ VOV ປະຈຳ ສະຫະພັນ ລັດເຊຍ