ທ່ານປະທານາທິບໍດີ ລັດເຊຍ ລົງນາມລັດຖະດຳລັດຮຽກຮ້ອງການຊຳລະຄ່າອາຍແກັດເປັນສະກຸນເງິນ ruble
(VOVWORLD) -ວັນທີ 31 ມີນາ, ທ່ານປະທານາທິບໍດີ ລັດເຊຍ Vladimir Putin ປະກາດວ່າໄດ້ລົງນາມລັດຖະດຳລັດຮຽກຮ້ອງໃຫ້ຝ່າຍຊື້ຕ່າງປະເທດ ຕ້ອງຊຳລະຄ່າອາຍແກັດເປັນສະກຸນເງິນ ruble ນັບແຕ່ວັນທີ 1 ເມສາເປັນຕົ້ນໄປ ແລະ ບັນດາສັນຍາຈະຖືກຢຸດຕິຊົ່ວຄາວ ຖ້າຫາກວ່າບໍ່ປະຕິບັດການຊຳລະດັ່ງກ່າວ.
 ສະກຸນເງິນ ruble (ພາບປະກອບ: THX/TTXVN) |
ໃນການປະກາດຂອງຕົນ, ທ່ານປະທານາທິບໍດີ Putin ຊີ້ແຈ້ງວ່າ: “ເພື່ອຊື້ອາຍແກັດທຳມະຊາດຂອງ ລັດເຊຍ, ຝ່າຍຊື້ຕ້ອງເປີດບັນຊີດ້ວຍສະກຸນເງິນ ruble ໃນບັນດາທະນາຄານຂອງ ລັດເຊຍ. ຈາກບັນຊີດັ່ງກ່າວ, ບ້ວງຊຳລະຈະໄດ້ຮັບການປະຕິບັດເພື່ອຊື້ອາຍແກັດ ເລີ່ມແຕ່ວັນທີ 1 ເມສາເປັນຕົ້ນໄປ. ຖ້າຫາກວ່າ ບ້ວງເງິນຊຳລະດັ່ງກ່າວບໍ່ໄດ້ຮັບການປະຕິບັດ, ລັດເຊຍຈະຖືວ່າແມ່ນຄວາມຜິດຈາກຝ່າຍຊື້”.