ທ່ານປະທານາທິບໍດີ Vladimir Putin ຍົກອອກບັນດາບຸລິມະສິດຂອງປະເທດ ລັດເຊຍ ໃນພິທີສາບານຕົວເຂົ້າຮັບດຳລົງຕຳແໜ່ງ
(VOVWORLD) - ຕອນບ່າຍວັນທີ 07 ພຶດສະພາ, ຢູ່ ວັງ Kremlin, ທ່ານປະທານາທິບໍດີ ລັດເຊຍ Vladimir Putin ໄດ້ສາບານຕົວເຂົ້າຮັບດຳລົງຕຳແໜ່ງ ສະໄໝທີ 5 ໂດຍຊ່ອງໜ້າການເປັນສັກຂີພິຍານຂອງບັນດາສະມາຊິກໃນສະພາສູງ ແລະ ສະພາຕ່ຳ ລັດເຊຍ ແລະ ຜູ້ພິພາກສາສານລັດຖະທຳມະນຸນ.
 ທ່ານປະທານາທິບໍດີ Vladimir Putin ໃນພິທີສາບານຕົວເຂົ້າດຳລົງຕຳແໜ່ງ (ພາບ: TTXVN) |
ກ່າວຄຳເຫັນທີ່ພິທີ, ທ່ານປະທານາທິບໍດີ Vladimir Putin ຢັ້ງຢືນວ່າ ຊາຕະກຳຂອງປະເທດ ລັດເຊຍ ໂດຍແມ່ນຊາວ ລັດເຊຍ ເປັນຜູ້ຕັດສິນເອງ ແລະ ເພື່ອຜົນປະໂຫຍດຂອງຄົນລຸ້ນນີ້ ແລະ ລຸ້ນຫຼັງ. ທ່ານ Putin ກໍເນັ້ນໜັກເຖິງເລື່ອງອະນຸລັກຮັກສາຊາດ, ບັນດາຄຸນຄ່າທີ່ມີມາແຕ່ດົນນານ ແມ່ນບຸລິມະສິດແຖວໜ້າຂອງ ລັດເຊຍ. ທ່ານປະທານາທິບໍດີ Vladimir Putin ຊີ້ແຈ້ງວ່າ ລະບົບການເມືອງຂອງ ສະຫະພັນ ລັດເຊຍ ຕ້ອງເປັນປົກກະຕິ ແລະ ທ່ວງທ່າການພັດທະນາຂອງປະເທດຊາດຕ້ອງໄດ້ຮັບການຮັກສາໃນຫຼາຍທົດສະວັດຈະມາເຖິງ.
ໄປຄຽງຄູ່ກັນນັ້ນ, ທ່ານປະທານາທິບໍດີ ລັດເຊຍ ກໍເນັ້ນໜັກເຖິງຄວາມປອດໄພຂອງປະຊາຊົນ ລັດເຊຍ ແມ່ນເໜືອກວ່າສິ່ງໃດໝົດ ແລະ ລັດເຊຍ ຈະຜ່ານຜ່າໄລຍະສຳຄັນທີ່ມີຄວາມຫຍຸ້ງຍາກນີ້. ຕາມທ່ານແລ້ວ, ລັດເຊຍ ພວມ ແລະ ຈະເປີດປະຕູສຳລັບປະເທດທີ່ຖື ລັດເຊຍ ເປັນຄູ່ຮ່ວມມື, ບໍ່ປະຕິເສດການເຈລະຈາກັບບັນດາປະເທດຝ່າຍຕາເວັນຕົກ.
ພາຍຫຼັງພິທີສາບານຕົວ, ທ່ານປະທານາທິບໍດີ ລັດເຊຍ Vladimir Putin ໄດ້ລົງນາມໃນລັດຖະດຳລັດວ່າດ້ວຍບັນດາເປົ້າໝາຍພັດທະນາປະເທດຊາດຮອດປີ 2030, ແງ່ຫວັງຮອດປີ 2036.