ວັນທີ 7 ພະຈິກ, ທ່ານປະທານາທິບໍດີ ອາເມລິກາ Joe Biden ໄດ້ມີບົດກ່າວປາໄສຄັ້ງທຳອິດກັບປະຊາຊົນອາເມລິກາ ນັບແຕ່ພາຍຫຼັງການເລືອກຕັ້ງທົ່ວປະເທດທີ່ໄດ້ດຳເນີນໃນວັນທີ 5 ພະຈິກ ເພື່ອເວົ້າກ່ຽວກັບໝາກຜົນຂອງການເລືອກຕັ້ງ ແລະ ວິວັດການມອບສົ່ງສິດອຳນາດ. ທ່ານປະທານາທິບໍດີ Joe Biden ໃຫ້ຮູ້ວ່າ:

ຂ້າພະເຈົ້າໄດ້ໃຫ້ຄຳໝັ້ນສັນຍາວ່າ ຂ້າພະເຈົ້າຈະຊີ້ນຳອຳນາດການປົກຄອງຂອງຕົນທັງໝົດ ສົມທົບກັບຖັນແຖວຂອງທ່ານ Trump ເພື່ອຮັບປະກັນການມອບສົ່ງສິດອຳນາດຢ່າງມີສັນຕິພາບ ແລະ ມີຄວາມເປັນລະບຽບຮຽບຮ້ອຍ. ນີ້ແມ່ນສິ່ງທີ່ປະຊາຊົນອາເມລິກາໝົດທຸກຄົນຕ້ອງໄດ້ຮັບການຊົມໃຊ້. ການເລືອກຕັ້ງແມ່ນການແຂ່ງຂັນຂອງບັນດາວິໄສທັດທີ່ແຕກຕ່າງກັນ ແລະ ປະເທດຊາດອາດຈະເລືອກຜູ້ນີ້ ຫຼືຜູ້ນັ້ນ. ພວກເຮົາຕ້ອງຍອມຮັບການຄັດເລືອກຂອງປະເທດຊາດ. ໂດຍແມ່ນປະທານາທິບໍດີ, ຂ້າພະເຈົ້າຈະປະຕິບັດພັນທະ ແລະ ຄຳສາບານຕົວຂອງຕົນ ແລະ ຂ້າພະເຈົ້າຈະເຄົາລົບລັດຖະທຳມະນູນ. ໃນວັນທີ 20 ມັງກອນ, ພວກເຮົາຈະປະຕິບັດການມອບສົ່ງສິດອຳນາດຢ່າງມີຄວາມສັນຕິພາບຢູ່ອາເມລິກາ.

ການເລືອກຕັ້ງປະທານາທິບໍດີ ອາເມລິກາ ປີ 2024 ໄດ້ສິ້ນສຸດດ້ວຍໄຊຊະນະຂອງທ່ານ Donald Trump. ທ່ານນາງ Kamala Harris ຮອງປະທານາທິບໍດີ ອາເມລິກາ ພ້ອມທັງແມ່ນຜູ້ອອກສະໝັກຮັບເລືອກຕັ້ງຂອງພັກປະຊາທິປະໄຕ ໄດ້ຍອມຮັບຜົນການເລືອກຕັ້ງປະລາໄຊຂອງຕົນ ແລະ ກໍ່ໃຫ້ຄຳໝັ້ນສັນຍາຈະເຂົ້າຮ່ວມວິວັດການປະຕິບັດການມອບສົ່ງສິດອຳນາດຢ່າງສັນຕິພາບ.