(VOVWORLD) - ເວລາ 8 ໂມງ 13 ນາທີ, ວັນທີ 26 ກຸມພາ, ປະທານ ພັກແຮງງານ ສປປ.ເກົາຫຼີ, ປະທານຄະນະກຳມະການປ້ອງກັນຊາດ ສາທາລະນະລັດ ປະຊາທິປະໄຕ ປະຊາຊົນ ເກົາຫຼີ Kim Jong-Un ໄດ້ມາເຖິງສະຖານນີລົດໄຟດົ່ງດັງ, ແຂວງ ລ້າງເຊີນ, ພາກເໜືອຫວຽດນາມ.
ທ່ານປະທານ ສປປ.ເກົາຫຼີ Kim Jong-Unຢູ່ສະຖານນີລົດໄຟດົ່ງດັງ |
ເວລາ 8 ໂມງ 13 ນາທີ, ວັນທີ 26 ກຸມພາ, ທ່ານປະທານ ພັກແຮງງານ ສປປ.ເກົາຫຼີ, ປະທານຄະນະກຳມະການປ້ອງກັນຊາດ ສາທາລະນະລັດ ປະຊາທິປະໄຕ ປະຊາຊົນ ເກົາຫຼີ Kim Jong-Un ໄດ້ມາເຖິງສະຖານນີລົດໄຟດົ່ງດັງ, ແຂວງ ລ້າງເຊີນ, ພາກເໜືອຫວຽດນາມ ໃນລົດໄຟສາຍພິເສດ, ເລີ່ມຕົ້ນການເຂົ້າຮ່ວມກອງປະຊຸມສຸດຍອດ ລະຫວ່າງອາເມລິກາ - ສປປ. ເກົາຫຼີ ຄັ້ງທີ ສອງ ຢູ່ຮ່າໂນ້ຍ ແລະ ຢ້ຽມຢາມສັນຖະວະໄມຕີ ຫວຽດນາມ ຢ່າງເປັນທາງການ, ຕາມຄຳເຊີນຂອງທ່ານ ຫງວຽນຟູຈ້ອງ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ສາທາລະນະລັດ ສັງຄົມນິຍົມ ຫວຽດນາມ.
ຝ່າຍ ຫວຽດນາມ ມາຕ້ອນຮັບທ່ານປະທານ ສປປ. ເກົາຫຼີ ລວມມີ: ທ່ານ ຫວໍວັນເຖືອງ ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະນະ ໂຄສະນາ ແລະ ສຶກສາສູນກາງ; ທ່ານ ມາຍຕຽນຢູງ ກຳມະການກົມການເມືອງ, ລັດຖະມົນຕີ, ຫົວໜ້າຫ້ອງວ່າການລັດຖະບານ; ທ່ານ ເລຮ່ວາຍຈູງ ກຳມະການກົມການເມືອງ, ຮອງລັດຖະມົນຕີການຕ່າງປະເທດ; ທ່ານ ຈຸວັນອຽມ ຮອງຫົວໜ້າຫ້ອງວ່າການລັດຖະບານ; ທ່ານ ເລບ້າວີງ ເອກອັກຄະລັດຖະທູດ ຫວຽດນາມ ປະຈຳ ສາທາລະລັດ ປະຊາທິປະໄຕ ປະຊາຊົນ ເກົາຫຼີ ແລະ ການນຳແຂວງລ້າງເຊີນ.
ກອງປະຊຸມສຸດຍອດລະຫວ່າງ ອາເມລິກາ - ສປປ.ເກົາຫຼີ ຄັ້ງທີ 2 ຈະໄດ້ດຳເນີນໃນລະຫວ່າງ ວັນທີ 27 – 28 ກຸມພາ 2019, ຢູ່ຮ່າໂນ້ຍໂດຍໄດ້ຮັບຖືວ່າແມ່ນເຫດການການເມືອງທາງການທູດສຳຄັນຂອງ ຫວຽດນາມ ໃນປີ 2019, ເປັນການຫັນແຜນນະໂຍບາຍ “ຫວຽດນາມເປັນເພື່ອນມິດ ແລະ ຄູ່ຮ່ວມມືທີ່ໄວ້ວາງໃຈຂອງປະຊາຄົມສາກົນ” ໃຫ້ເປັນລະອຽດ ແລະ ຢ່າງມີຊີວິດຊີວາ.