(vovworld) - ໂດຍໄດ້ຮັບຄຳເຊີນຂອງທ່ານລັດຖະມົນຕີວ່າການກະຊວງຕຳຫຼວດແຫ່ງລັດ Israel Yitzhak Aharonovich , ແຕ່ວັນທີ 7-9/11, ຄະນະຜູ້ແທນຂັ້ນສູງກະຊວງຕຳຫຼວດໂດຍທ່ານພົນເອກເຈິນດ້າຍກວາງ ລັດຖະມົນຕີວ່າການກະຊວງຕຳຫຼວດຫວຽດນາມ, ນຳໜ້າ, ໄດ້ໄປຢ້ຽມຢາມ ແລະ ເຮັດວຽກຢູ່Israel ທ່ານລັດຖະມົນຕີເຈິນດ້າຍກວາງ ໄດ້ເຂົ້າຢ້ຽມຂຳ່ນັບທ່ານປະທານາທິບໍດີ Israel Reuven Rivlin, ໄດ້ພົບປະເຈລະຈາກັບທ່ານລັດຖະມົນຕີວ່າການກະຊວງປ້ອງກັນປະເທດ Israel Moshe Ya’alon ແລະ ເຈລະຈາກັນທ່ານລັດຖະມົນຕີວ່າການກະຊວງຕຳຫຼວດ Israel Aharonovich. ທີ່ບັນດາການເຈລະຈາ,ບັນດາການນຳ Israel ໄດ້ຕີລາຄາສູງການພົວພັນຮ່ວມມືມິດຕະພາບ ລະຫວ່າງລັດຖະບານ ແລະ ປະຊາຊົນ 2 ປະເທດເວົ້າລວມ, ລະຫວ່າງກະຊວງຕຳຫຼວດ, ກະຊວງປ້ອງກັນປະເທດ ແລະ ບັນດາອົງການປະຕິບັດກົດໝາຍ Israel ກັບກະຊວງຕຳຫຼວດຫວຽດນາມເວົ້ົາ ສະເພາະ. 2 ຝ່າຍໄດ້ເປັນເອກະພາບກັນຕີລາຄາວ່າ: ບົນພື້ນຖານບົດບັນທຶກຊ່ວຍຈຳກ່ຽວກັບການຮ່ວມມືຮັກສາຂໍ້ມູນຂ່າວລັບ ແລະ ບົດບັນທຶກຊ່ວຍຈຳກ່ຽວກັບການຮ່ວມມືອຸດສາຫະກຳ ແລະ ເຕັກໂລໂນຊີໃນຂົງເຂດການປ້ອງກັນຄວາມສະຫງົບພາຍໃນ ປະເທດ ເຊິ່ງໄດ້ຮັບການລົງນາມລະຫວ່າງກະຊວງປ້ອງກັນປະເທດ Israel ແລະ ກະຊວງຕຳຫຼວດ ຫວຽດນາມ, ການພົວພັນ ລະຫວ່າງ 2 ກະຊວງນັບມື້ນັບໄດ້ຮັບການປັບປຸງ, ພັດທະນາ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາການພົວພັນມິດຕະພາບ ລະຫວ່າງ 2 ປະເທດ; ເປັນເອກະພາບບັນດາມາດຕະການເພີ່ມທະວີການຮ່ວມມື ແນໃສ່ຍົກສູງກຳລັງຄວາມສາມາດຂະແໜງອຸດສາຫະກຳປ້ອງກັນຄວາມສະຫງົບ, ອຸດສາຫະກຳການປ້ອງກັນພົນລະເຮືອນຂອງຫວຽດນາມ.
ໃນຂອບເຂດການຢ້ຽມຢາມ ແລະ ເຮັດວຽກຄັ້ງນີ້, ທ່ານລັດຖະມົນຕີເຈິນດ້າຍກວາງ ພ້ອມກັບຄະນະໄດ້ໄປຢ້ຽມຢາມສະຖານທູດຫວຽດນາມ ປະຈຳ Israel; ຢ້ຽມຢາມກຸ່ມບໍລິສັດອຸດສາຫະກຳການບິນຈັກກະວານ ແລະ ວາງພວງມາລາ ເພື່ອ ອາໄລຫາບັນດາຜູ້ປະສົບເຄາະຮ້າຍຊາວຢິວທີ່ຖືກເຢຍລະມັນເຂັ່ນຂ້າໃນສົງຄາມໂລກຄັ້ງທີ 2 ທີ່ຫໍພິພິຕະພັນປະຫວັດສາດ Yad Vashem ຢູ່ນະຄອນ Jerusalem.