(VOVWORLD) -ທົ່ວປະເທດຈະຮ່ວມແຮງຮ່ວມໃຈ, ທົ່ວພັກ, ທົ່ວປວງຊົນເປັນຈິດໜຶ່ງໃຈດຽວ, ພ້ອມກັບການໜູນຊ່ວຍຂອງພໍ່ແມ່ປະຊາຊົນຊາວ ຫວຽດນາມ ອາໄສຢູ່ຕ່າງປະເທດ ແລະ ເພື່ອນມິດສາກົນ, ແນ່ນອນວ່າ ຫວຽດນາມ ຈະຍາດໄດ້ໄຊຊະນະຕໍ່ໂລກລະບາດໂຄວິດ-19.
 (ທ່ານເລຂາທິການໃຫຍ່ພັກກອມມູນິດ ຫວຽດນາມ ຫງວຽນຝູຈ້ອງ) |
ໃນຄຳຮຽກຮ້ອງທີ່ຝາກເຖິງປະຊາຊົນ, ນັກຮົບໃນທົ່ວປະເທດ ແລະ ຊາວ ຫວຽດນາມ ອາໄສຢູ່ຕ່າງປະເທດກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ-19, ທ່ານເລຂາທິການໃຫຍ່ພັກກອມມູນິດ ຫວຽດນາມ ຫງວຽນຝູຈ້ອງ ຊີ້ແຈ້ງວ່າ: ປະຈຸບັນ, ສະພາບໂລກລະບາດໂຄວິດ-19 ພວມມີການຜັນແປຢ່າງສັບສົນ, ແຜ່ລະບາດຢ່າງໄວ, ກໍ່ຄວາມເສຍຫາຍຢ່າງໃຫຍ່ຫຼວງເຖິງສຸຂະພາບ ແລະ ຊີວິດອິນຊີຂອງປະຊາຊົນ, ສົ່ງຜົນສະທ້ອນຢ່າງຮ້າຍແຮງເຖິງເສດຖະກິດ-ສັງຄົມ ແລະ ທຸກດ້ານຂອງຊີວິດ. ດ້ວຍຈິດໃຈ “ຕ້ານໂລກລະບາດຄືດັ່ງຕ້ານສັດຕູ”, ປົກປ້ອງສຸຂະພາບ, ຊີວິດອິນຊີຂອງປະຊາຊົນແມ່ນເໜືອກວ່າສິ່ງໃດໝົດ, ໂດຍຕາງໜ້າໃຫ້ການນຳພັກ, ລັດ, ທ່ານເລຂາທິການໃຫຍ່ຮຽກຮ້ອງໃຫ້ທົ່ວພັກ, ທົ່ວປວງຊົນ, ທົ່ວກອງທັບ ແລະ ພໍ່ແມ່ພີ່ນ້ອງຊາວຫວຽດນາມ ຫວຽດນາມ ອາໄສຢູ່ຕ່າງປະເທດ ຈົ່ງມານະພະຍາຍາມກ່າວອີກ; ສາມັກຄີກວ່າອີກ; ມີຄວາມຕັດສິນໃຈໃຫ້ຫຼາຍກວ່າ ເພື່ອຮ່ວມແຮງຮ່ວມໃຈພ້ອມກັບພັກ, ລັດ, ທຸກຂັ້ນ, ທຸກຂະແໜງການຊອກຫາທຸກວິທີເພື່ອສະກັດກັ້ນ, ຍູ້ໃຫ້ໂລກລະບາດຖອຍໄປ ບໍ່ປະໃຫ້ແຜ່ລະບາດໃນຊຸມຊົນ.
ທ່ານເລຂາທິການໃຫຍ່ ຫງວຽນຝູຈ້ອງ ຮຽກຮ້ອງໃຫ້ຄະນະພັກ, ອົງການຈັດຕັ້ງພັກ, ອຳນາດການປົກຄອງ, ຄະນະຊີ້ນຳການປ້ອງກັນ ຕ້ານໂລກລະບາດໂຄວິດ-19 ຈາກຂັ້ນສູງກາງລົງຮອດທ້ອງຖິ່ນ ຕ້ອງຊີ້ນຳນຳພາຢ່າງເດັດດຽວກວ່າ, ຄວບຄຸມສະພາບການໃຫ້ເປັນຢ່າງດີ; ບໍ່ປະໝາດ, ຂາດຄວາມລະມັດລະວັງໃນການຮັບມືກັບສະພາບການໃໝ່ຂອງໂລກລະບາດຢ່າງເດັດຂາດ…
ທ່ານເລຂາທິການໃຫຍ່ ຫງວຽນຝູຈ້ອງ ເຊື່ອໝັ້ນວ່າ, ທົ່ວປະເທດຈະຮ່ວມແຮງຮ່ວມໃຈ, ທົ່ວພັກ, ທົ່ວປວງຊົນເປັນຈິດໜຶ່ງໃຈດຽວ, ເປັນເອກະພາບດ້ານເຈດຈຳນົງ ແລະ ການກະທຳ, ພ້ອມກັບການໜູນຊ່ວຍຂອງພໍ່ແມ່ປະຊາຊົນຊາວ ຫວຽດນາມ ອາໄສຢູ່ຕ່າງປະເທດ ແລະ ເພື່ອນມິດສາກົນ, ແນ່ນອນວ່າ ຫວຽດນາມ ຈະຍາດໄດ້ໄຊຊະນະຕໍ່ໂລກລະບາດໂຄວິດ-19.