ທ່ານເລຮົ່ງແອງ ຜູ້ປະຈຳການຄະນະເລຂາ ເຮັດວຽກຢູ່ແຂວງ ນີງທ້ວນ
ທ່ານເລຮົ່ງແອງ ເຮັດວຽກກັບການນຳແຂວງນີງທ້ວນ
ພາບ:ninhthuan.gov.vn
|
(vovworld) - ຕອນບ່າຍວັນທີ 14/3, ທ່ານເລຮົ່ງແອງ ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ ແລະ ຄະນະປະຕິບັດງານຂອງຄະນະເລຂາໄດ້ມີການເຮັດວຽກກັບການນຳແຂວງ ນີງທ້ວນ ເພື່ອກວດກາສະພາບການປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກກອມມູນິດຫວຽດນາມ, ສະພາບການພັດທະນາເສດຖະກິດ ວັດທະນະທຳສັງຄົມໃນປີທຳອິດ. ທ່ານ ເລຮົ່ງແອງ ສະເຫນີວ່າ: ແຂວງນີງທ້ວນ ຄວນເຮັດໃຫ້ພື້ນຖານເສດຖະກິດພັດທະນາຢ່າງວ່ອງໄວ, ໝັ້ນຄົງ ຕາມຮູບແບບເສດຖະກິດຂຽວ, ສະອາດ. ສືບຕໍ່ຫັນປ່ຽນໂຄງປະກອບເສດຖະກິດຕາມທິດອຸດສາຫະກຳ ແລະ ການບໍລິການ, ຕິດພັນກັບການແກ້ໄຂບັນດາບັນຫາສັງຄົມ, ປົກປັກຮັກສາສິ່ງແວດລ້ອມ, ພັດທະນາແບບຍືນຍົງ, ສ້າງວຽກເຮັດງານທຳ, ຫລຸດຜ່ອນຄວາມທຸກຍາກ, ຍົກສູງຊີວິດທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນ. ສຳລັບການປະຕິບັດຄຳສັ່ງຂອງກົມການເມືອງກ່ຽວກັບການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດຂອງປະທານໂຮ່ຈິມີນ, ທາງແຂວງຄວນສືບຕໍ່ຊາບຊືມຢ່າງເລິກເຊີ່ງໃນອົງຄະນະພັກ, ຍົກສູງສະຕິຄວາມຮັບຮູ້ໃຫ້ແກ່ພະນັກງານ, ສະມາຊິກພັກ ແລະ ປະຊາຊົນກ່ຽວກັບຄວາມໝາຍ, ຄວາມສຳຄັນຂອງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດຂອງປະທານໂຮ່ຈິມີນ.