ນັກຊ່ຽວຊານເສດຖະກິດ ອາເມລິກາ: ໄພເງິນເຟີ້ ຫວຽດນາມ ຢູ່ລະດັບຕ່ຳ ແລະ ມີສະຖຽນລະພາບ
(VOVWORLD) -ຕາມການຕີລາຄາຂອງທ່ານສາດສະດາຈານ, ປ.ອ Andreas Hauskrecht, ນັກຊ່ຽວຊານດ້ານເສດຖະກິດຢູ່ ອາເມລິກາແລ້ວ, ທະນາຄາມແຫ່ງລັດ ແລະ ບັນດາອົງການບໍລິຫານຂອງ ຫວຽດນາມ ໄດ້ຮັບມືກັບບັນດາຜົນກະທົບຈາກພະຍາດໂຄວິດ - 19 ເປັນຢ່າງດີ, ປະກອບສ່ວນເຂົ້າໃນການຈຳກັດໄພເງິນເຟີ້.
 ທ່ານສາດສະດາຈານ, ປ.ອ Andreas Hauskrecht, ນັກຊ່ຽວຊານດ້ານເສດຖະກິດຢູ່ ອາເມລິກາ |
ຕາມການຕີລາຄາຂອງທ່ານສາດສະດາຈານ, ປ.ອ Andreas Hauskrecht, ນັກຊ່ຽວຊານດ້ານເສດຖະກິດຢູ່ ອາເມລິກາແລ້ວ, ທະນາຄາມແຫ່ງລັດ ແລະ ບັນດາອົງການບໍລິຫານຂອງ ຫວຽດນາມ ໄດ້ຮັບມືກັບບັນດາຜົນກະທົບຈາກພະຍາດໂຄວິດ - 19 ເປັນຢ່າງດີ, ປະກອບສ່ວນເຂົ້າໃນການຈຳກັດໄພເງິນເຟີ້. ກ່າວຄຳເຫັນທີ່ກອງປະຊຸມສຳມະນາສາກົນ ປະຈຳປີຄັ້ງທີ 8 ທີ່ສະຫງວນໃຫ້ແກ່ນັກວິທະຍາສາດໜຸ່ມ ໂຮງຮຽນເສດຖະກິດ ແລະ ດຳເນີນທຸລະກິດ (ICYREB) ດ້ວຍຫົວຂໍ້ “ກຳລັງທົນທານ, ຄວາມສາມາດໃນການຟື້ນຟູ ແລະ ເຕີບໂຕຂອງພື້ນຖານເສດຖະກິດ” ທີ່ໄດ້ດຳເນີນໃນວັນທີ 2 ພະຈິກ, ຢູ່ຮ່າໂນ້ຍ, ທ່ານ ທ່ານສາດສະດາຈານ Andreas Hauskrecht ຖືວ່າ ໄພເງິນເຟີ້, ພິເສດແມ່ນໄພເງິນເຟີ້ພື້ນຖານຢູ່ ຫວຽດນາມພວມຢູ່ໃນລະດັບຕ່ຳ ແລະ ມີສະຖຽນລະພາບ. ຮອດເວລາທີ່ທະນາຄານກາງສະຫະລັດ ອາເມລິກາ ເລີ່ມປ່ຽນແປງນະໂຍບາຍການເງິນ ແລະ ຫຼຸດຜ່ອນອັດຕາດອກເບ້ຍ, ຫວຽດນາມ ຈະມີ ຄວາມສາມາດບົ່ມຊ້ອນຕື່ມອີກເພື່ອຍົກອອກມາຫຼາຍມາດຕະການຊຸກຍູ້ເສດຖະກິດກ່ວາ. ໃນສະເພາະໜ້າ, ຫວຽດນາມ ຕ້ອງຮັກສາດອກເບ້ຍຢູ່ລະດັບປົກກະຕິ, ນະໂຍບາຍປີການເງິນທີ່ເໝາະສົມ ແລະ ນະໂຍບາຍການເງິນທີ່ລະມັດລະວັງ.